ވޯލްޑްކަޕް ކޮލިފައިންގްގައި ރޭ ނޯތު މެކެޑޯނިއާ ބަލިކޮށް 2022ވަނަ އަހަރު ގަތަރުގައި ބާއްވާ ވޯލްޑް ކަޕުގެ ފުރަތަމަ ޖާގަ ޖަރުމަނުން ހޯދައިފިއެވެ.
ރޭގެ މެޗް ގަރުމަނުން ކާމިޔާބު ކޮށްފައިވަނީ 4-0 ގެ ނަތީޖާއަކުންނެވެ. މި މޮޅާ އެކު ކޮލިފައިން ގްރޫޕް ޖޭގެ އެއް ވަނައިގައި ޖަރުމަނު އޮތީ އަށް މެޗުން 21 ޕޮއިންޓް ހޯދައިގެންނެވެ.
ރޭގެ މެޗުގައި ޖަރުމަނުގެ ލަނޑުތަށް ކާމިޔާބު ކޮށްދިނީ ޓިމޯ ވާރނާ, ކައި ހަވާޓްޒް އަދި ޖަމާލް މުސިއާލާއެވެ. ޓިމޯ ވާރނާ ވަނީ މިމެޗުގައި 2 ލަނޑު ކާމިޔާބުކޮށްދީފައެވެ.
މިއީ ޖަރުމަނު ވޯލްޑްކަޕް ކުޅޭނެ 20 ވަނަ ފަހަރެވެ. ޖަރުމަނު ވަނީ މީގެ ކުރިން 4 ފަހަރެއްގެ މަތިން މި މުބާރާތް ކާމިޔާބުކޮށްފައެވެ.
