އުތުރު ތިލަފަޅުގެ އެއްބަސްވުން ސިއްރު ކުރުމަކީ ދައުލަތުގެ އެންމެ މަތީ މަސްލަހަތަށް އޮތް ނުރައްކަލެއްކަމުގައި ކުރީގެ އުއްތަމަ ފަނޑިޔާރު ޑރ.އަހުމަދު އަބްދުالله ދީދީ ވިދާޅުވެއްޖެއެވެ.
ޑރ ދީދީ މިފަދައިން ވިދާޅުވީ މިއަދު ކުރެއްވި ޓްވީޓެއްގައެވެ.
ދީދީ ކުރެއްވި ޓްވީޓުގައި ވިދާޅުވީ އުތުރުތިލަފަޅު އެއްބަސްވުމަކީ ބައިނަލްއަގުވާމީ ބައިލެޓެރަލް އަދި އަސްކަރީ ތަބީއަތުގެ އެއްބަސްވުމެއް ކަމަށާއި، އެފަދަ އެއްބަސްވުމެއް ސިއްރުކުރުމަކީ ރާއްޖޭގެ ދުސްތޫރީ ނިޒާމު ތަންދޭ ކަމެއް ނޫން ކަމަށެވެ.
އުތުރުތިލަފަޅު އެއްބަސްވުމަކީ ބައިނަލްއަޤުވާމީ ބައިލެޓެރަލް އަދި ޢަސްކަރީ ޠަބީޢަތުގެ އެއްބަސްވުމެއް. އެފަދަ އެއްބަސްވުމެއް ސިއްރުކުރުމަކީ ދިވެހިރާއްޖޭގެ ދުސްތޫރީ ނިޒާމު ތަންދޭ ކަމެއް ނޫން. އެއީ ދައުލަތުގެ އެންމެ މަތީ މަޞްލަޙަތަށް އޮތް ނުރައްކަލެއް https://t.co/Cy04gDL6m2
— Dr. Ahmed Abdulla Didi (@AABDULLADIDI) October 5, 2021
ޑރ ދީދީ މިފަދައިން ވިދާޅުވެފައި މިވަނީ އުތުރު ތިލަފަޅުގެ އެއްބަސްވުމާއި ގުޅޭ މައުލޫމާތު ސަރުކާރުން ސިއްރު ކުރުމާއި ގުޅިގެން ގިނަ އަދަދެއްގެ ރައްޔިތުންތަކެއް ސަރުކާރަށް ވަރަށް ބޮޑަށް ފާޑު ކިޔަމުން އަންނަ ދަނޑިވަޅެއްގައެވެ.
