މުސާރައެއްގެ ގޮތުގައި އެންމެ ކުޑަ އުޖޫރައެއް މިއަދު ކަނޑައަޅާ ގޮތަށް އޮތް ކަމުގައި ވީނަމަވެސް އެކަން މިއަދު ވެސް ނުވާނެ ކަމަށް، އެ ބޯޑުގައި މަސައްކަތްތެރިން ތަމްސީލުކުރައްވާ ސެކްރެޓަރީ ޖެނެރަލް މައުރޫފް ޒާހިރު (މަޓޭ) ވިދާޅުވެއްޖެ އެވެ.
މިކަމާއި ގުޅޭގޮތުން އޮންލައިން ނޫހެއްކަމުގައިވާ ”މިހާރު“ އަށް މައުލޫމާތު ދެއްވަމުން މަޓޭ ވިދާޅުވީ އެކަމާ މެދު މިއަދު ވެސް މަޝްވަރާ ކުރާނެ ކަމަށާއި މިއަދު އޮތީ ސަރުކާރުން އަލަށް ހުށަހެޅި ޕްރޮޕޯސަލްއަކާ މެދު މަޝްވަރާތައް ކުރުން ކަމަށެވެ.
މަޓޭ އިތުރަށް ވިދާޅުވީ ކުރިން މިނިމަމް ވޭޖާ މެދު ގޮތެއް ނިންމަން ކަނޑައެޅި ނަމަވެސް، އަންނަ ހަފްތާ އަށް އެކަން ލަސްކުރަން ބޯޑުގެ ޗެއާމަން އެދިވަޑައިގެންފައިވާ ކަމަށެވެ. އެހެން ނަމަވެސް މިހާރު ކަންތަށްތަށް ދާގޮތުން އަންނަ ހަފްތާގައި ވެސް މިނިމަމް ވޭޖެއް ކަނޑައެޅުމަކީ ނާދިރު ކަމެއް ކަމުގައެވެ.
