ރައީސް ނަޝީދުގެ ކޮއްކޯފުޅު ނާޒިމް އަބްދުއްސައްތާރު ޝަރީއަތަށް ނުފޫޒު ފޯރުވާ ކަމަށް ހައި ކޯޓުގެ ކުރީގެ އިސް ފަނޑިޔާރު ޝުޖާއު އުސްމާން ވިދާޅުވެއްޖެއެވެ.
ޝުޖާއު އުސްމާން ކުރެއްވި ޓުވީޓެއްގައި ވިދާޅުވީ ހައިކޯޓިގައި ހުރި މައްސަލަތަކަށް ނުފޫޒު ފޯރުވާ އެއް ބޭފުޅަކީ ނާޒިމް ކަމުގައެވެ.
”އޭނާ އަމުރުކުރަނީ އޭނާ ވަކާލާތުކުރާ މައްސަލަތަކަށް ބައެއް ފަނޑިޔާރުން ބެންޗުގައި ނުހިމަނަން. އެގޮތަށް އަމަލު ކުރަނީވެސް“ ޝުޖާއު އުސްމާން ވިދާޅުވިއެވެ.
ހައިކޯޓިގައި ހުރި މައްސަލަތަކަށް ނުފޫޒު ފޯރުވާ އެއްބޭ ފުޅަކީ ރ.ނަޝީދުގެ ކޮއްކޯފުޅު ނާޒިމްއަބްދުއްސައްތާރު .އަމުރުކުރަނީ އޭނަވަކާލާތުކުރާ މައްސަލަތަކަށް ބައެއްފަނޑިޔާރުން ބެންޗުގައިނުހިމަނަން އެގޮތަށް އަމަލުކުރަނީވެސް@sunbrk @Ch13official @dhuvasmv @Sangu_TV @maanhameed pic.twitter.com/YRyaheW20P
— Shujau Usman (@ShujauU) September 17, 2021
ޝުޖާއުގެ ޓުވީޓުގައި ވަނީ ނާޒިމް އޭނާއަށް ފޮނުއްވި މެސެޖުތަކެއްގެ ސްކްރީން ޝޮޓެއްވެސް ހިއްސާ ކުރައްވާފައެވެ. އެ މެސެޖުގައި ނާޒިމް ވަނީ ބައެއް ފަނޑިޔާރުންގެ ނަން ވިދާޅުވެ އެ ފަނޑިޔާރުން އޭނާ ވަކާލާތު ކުރާ މައްސަލަތަކަށް އައްޔަން ނުކުރަން އަމުރުކޮށްފައެވެ.
މިކަމާ ގުޅިގެން ނާޒިމް ކުރެއްވި ޓުވީޓެއްގައި ވަނީ އެކަން އަދިވެސް ތަކުރާރު ކުރައްވާނެ ކަމަށާއި، މައްސަލައެއް ބެލުމުގައި އެކުލަވާލެވޭ ފަނޑިޔާރުންގެ ބެންޗަށް ހިތް ހަމަ ނުޖެހޭ ނަމަ، ކޯޓަށް އެކަން ހުށަހެޅުމަކީ އޮންނަ އުސޫލު ކަމުގައެވެ.
https://twitter.com/nazimsat/status/1438910970219282433
އެހެން ކަމުން ނާޒިމް އަމަލު ކޮށްފައިވަނީ ގާނޫނާ ހިލާފަށް ކަން އޭނާގެ އަމިއްލަ ބަހުންވެސް އެނގެއެވެ.
