ހުޅުމާލޭގެ 2 ވަނަ ފިޔަވަހީގައި ރައްޔިތުން އާބާދު ކުރުވީ އަމާ ބުނީތީ ފަރަށްދާ އުސޫލުން ކަމަށް ހުޅުމާލޭގެ ކައުންސިލަރު އިބްރާހިމް ޝުޖާއު ވިދާޅުވެއްޖެއެވެ.
ޝުޖާއު ކުރެއްވި ޓްވީޓެއްގައި ވިދާޅުވީ 2 ވަނަ ފިޔަވަހީގައި ދިރިއުޅޭ ރައްޔިތުން މިސްކިތަށް ދާން، ދަރިން ސްކޫލަށް ލާން، ކާބޯތަކެތި ހޯދަން އަދި ރަށްވެހި ކަމުގެ ހިދުމަތް ހޯދަން ފޭސް 1 އަށް ދާން ޖެހޭ ކަމުގައެވެ.
ހުޅުމާލެ ފޭސް2 ގައި ރައްޔިތުން އާބާދު ކުރުވީ އަމާ ބުނީތީ ފަރަށްދާ އުސޫލުން!ރައްޔިތުން މިސްކިތައް ދާން ފޭސް1ކަށް.ދަރިން ސުކޫލަށްލާން ފޭސް1ކަށް.ކާބޯތަކެތި ގަންނަން ފޭސް1ކަށް.ރައްވެހި ކަމުގެ ޚިދުމަތް ހޯދަން ފޭސް1 ކަށް.
މީ ހެޔޮވެރިކަންތަ؟ނުނީ ބަލާވެރިކަންތަ؟😡 #ހުޅުމާލެ❤️— Ibrahim Shujau (@IbrahimShujaau) September 13, 2021
ޝުޖާއު މިފަދައިން ވިދާޅުވެފައި ވާއިރު ހުޅުމާލޭގެ 2 ވަނަ ފިޔަވަހީގައި އެއްވެސް ހިދުމަތެއް މިވަގުތު ލިބޭކަށް ނެތެވެ. އެހެން ނަމަވެސް ރައީސް ޔާމީން ބިނާކޮށްދެއްވި ހިޔާ ފްލެޓް ތަކަށް ގިނަ ބަޔަކު ބަދަލުވަމުން އަންނަކަން ފާހަގަކޮށްލެވެއެވެ.
