އިލެކްޝަންސް ކޮމިޝަނުގެ މެންބަރުކަމަށް ހ. އިރުވައި، މުޙައްމަދު ޢާޞިފް ޢައްޔަން ކުރައްވައިފިއެވެ.
މިއަދު މެންދުރު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައި އާސިފަށް މަގާމުގެ ލިޔުން ހަވާލު ކުރެއްވީ ރައީސް އިބްރާހިމް މުހަންމަދު ސޯލިހުއެވެ.
އިލެކްޝަން ކޮމިޝަންގެ މެންބަރުގެ މަގާމު ހުސްވެގެންދިޔައީ މީގެ ކުރިން އެ ކޮމިޝަނުގެ ރައީސް ކަމުގެ މަގާމުގައި ހުންނެވި އަހުމަދު ޝަރީފް މަގާމުން އިސްތިއުފާ ދެއްވުމާ ގުޅިގެންނެވެ.
މިއަދު އިސީއަށް އައްޔަނު ކުރެއްވި އާސިފަކީ މީގެ ކުރިން އިލެކްޝަން ކިމިޝަނުގެ ޑެޕިއުޓީ ޑިރެކްޓަރު ކަމާއި އެސިސްޓަންޓް ޑިރެކްޓަރ ޖެނެރަލްގެ މަޤާމު ފުރުއްވާފައިވާ ބޭފުޅެކެވެ.
