ޕީޕީއެމުން ރޭ ކާނިވަލް ސަރަހައްދުގައި ބޭއްވި ”އައްޑަނަ“ ޖަލްސާގައި ރާއްޖޭގައި ތިބި އިންޑިއާ ސިފައިން ބާލަން ގޮވުމާއި ގުޅިގެން މަޖިލިސް ރައީސް މުހައްމަދު ނަޝީދު ކަންބޮޑުވުން ފާޅުކުރައްވައިފިއެވެ.
މިއަދު ކުރެއްވި ޓްވީޓެއްގައި ނަޝީދު ވިދާޅުވީ ޕީޕީއެމްގެ އާންމު ޖަލްސާތަކުގައި އަވަށްޓެރި ގައުމުތަކަށް ނިސްބަތްކޮށް، ކުޑައިމީސް ބަސްތަކުން ވާހަކަދެއްކުމަކީ ކަންބޮޑުވުން އިތުރުވާ ކަމެއް ކަމަށެވެ.
އިންޑިއާ އަކީ ޒަމާނުއްސުރެ ރާއްޖެއަށް އެހީތެރިވާ ގައުމެއް ކަމަށާއި އިންޑިއާ ކަނޑުގެ ސުލްހަ ބެލެހެއްޓުމުގައި އެންމެ އިސް ދައުރެއް ކުޅޭ ގައުމަކީވެސް އިންޑިއާ ކަމުގައި ނަޝީދު ވިދާޅުވިއެވެ.
PPM ge aanmu jalsa thakuga avatteri qawmthakah nisbaikoh kudaimees basthakun vaahaka dhakkavakamee kanboduvun ithuruva kameh. India akee zamaanuhsureh Raajje ah enme eheetherivaa qawm. Adhi India kanduge sulha belehettumuga enme isdhaureh kuley qawm.
— Mohamed Nasheed (@MohamedNasheed) September 4, 2021
ރޭ ބޭއްވި ޖަލްސާގައި އިދިކޮޅު ފަރާތްތަކުން އިންޑިއާގެ ބީޖޭޕީ ސަރުކާރަށް ވަރަށް ބޮޑަށް ފާޑުކިޔާފައިވާކަން ފާހަގަކޮށްލެވެއެވެ. އަދި ވަކިން ހާއްސަކޮށް އިންޑިއާ ސިފައިން ރާއްޖެއަށް އަތްގަދަ ކުރަމުން އަންނަ މައްސަލައިގައި ކަންބޮޑުވުން ފާޅުކޮށްފައިވެއެވެ.
