ޔުނައިޓެޑް އަރަބް އެމިރޭޓްސްގެ ވެރިރަށް އަބޫދާބީގެ ގްރީން ލިސްޓުގައި ރާއްޖެ ހިމަނައިފިއެވެ.
އަބޫދާބީގެ ގްރީން ލިސްޓުން ރާއްޖެވަނީ މިއަހަރުގެ ފެބްރުއަރީމަހުގައި އުނިކޮށްފައެވެ. އަދި އޭގެ ފަހުން ނެރުނު ދެ ލިސްޓުގައިވެސް ރާއްޖެ ހިމަނާފައެއް ނުވެއެވެ.
އެހެންނަމަވެސް މާދަމާއިން ފެށިގެން އަމަލުކުރަން ފަށާ ގްރީން ލިސްޓަށް ރާއްޖެ މިވަނީ އިތުރުކޮށްފައެވެ.
ގްރީން ލިސްޓުގައި ޖުމްލަ 55 ގައުމެއް އެބައޮތެވެ.
ރާއްޖެ ގްރީން ލިސްޓަށްލުމާއި ގުޅިގެން ރާއްޖެއިން އަބޫދާބީއަށް ދާމީހުން ކަރަންޓީނުވާކަށް ނުޖެހޭނެއެވެ. އެހެންނަމަވެސް އަބޫދާބީގެ އެއާޕޯޓުން ޕީސީއާރު ޓެސްޓެއް ހަދަން ޖެހޭނެއެވެ.
މި ލިސްޓަށް ބަދަލު ގެންނަނީ އެ ގައުމުތަކުގެ ކޮވިޑް-19 ގެ ހާލަތަށް ރިއާޔަތް ކުރުމަށް ފަހުގައެވެ.
