މާލޭގެ ސަރަހައްދުތަކުގައި ކުނިނަގާ ގަޑިތަކަށް ބަދަލުތަކެއް ގެނެސްފައިވާނެކަމަށް ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން ބުނެފިއެވެ.
ސްޕްޓެންބަރު 15 ވަނަ ދުވަހުން ފެށިގެން މާލޭ ސަރައްހަދުގައި ކުނި ނަގާނީ ރޭގަނޑު 20:00 އިން ފެށިގެން 23:00 އާއި ހަމައަށެވެ.
ވެމްކޯއިން ނެރުނު ބަޔާނެއްގައި ބުނީ، މާލޭ ސަރަހައްދުގެ ކުނި ނެގަމުން އައި ގަޑިތަކަށް ބަދަލެއް ގެނައުމަށް ނިންމާފައިވަނީ އެ ސަރަހައްދުގެ އާންމު ހާލަތު ރަނގަޅުވަމުން ދިއުމާއި ގުޅިގެން އެކަމަށް ރިއާޔަތް ކުރުމަށްފަހު ކަމަށެވެ.
އެ ބަޔާނުގައި ވާގޮތުގެ މަތިން ކަސްޓަމަރުން ކުނިނެރެންވާނީ 18:00 އިން 19:00 އާއި ދެމެދުގައެވެ. އަދި ކުނި ނަގާނީ ރަޖިސްޓަރ ކޮށްފައިވާ ގޭބިސީތަކަށް އެކަނި ކަމަށް ވެސް ވެމްކޯއިން ވަނީ ބުނެފައެވެ.
