މޯލްޑިވިއަންގެ ފްލައިޓެއް ހައިޖެކް ކުރާނެ ކަމުގެ އިންޒާރު ދިން މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ މީޑިޔާ އޮފިޝަލަކު މައުލޫމާތު ދެއްވި ގޮތުގައި، މޯލްޑިވިއަންގެ ފްލައިޓެއް ހައިޖެކް ކުރާނެ ކަމުގެ އިންޒާރު ދިން މައްސަލަ އެއް މިރޭ 20:50 ވާއިރު ވަނީ ފުލުހުންނަށް ހުށަހެޅިފައެވެ.
މައުލޫމާތު ލިބިފައިވާ ގޮތުގައި ހައިޖެކް ކުރާނެ ކަމުގެ އިންޒާރު ދީފައިވަނީ ފުވައްމުލަކުން މާލެ އަށް ދަތުރުކުރަން ހަމަޖެހިފައިވާ ފްލައިޓެކެވެ. މިމައްސަލަ މިހާރު ފުލުހުން ދަނީ ތަހުގީގު ކުރަމުންނެވެ.
