މިއަދަކީ އިދިކޮޅު ސިޔާސީ ލީޑަރު ރައީސް އަބްދުﷲ ޔާމީން އަބްދުލްގައްޔޫމްގެ އުފަންދުވެހެވެ. އުފަންދުވަހުގެ ތަހުނިޔާގެ މެސެޖުތަކާއެކު ސަޕޯޓަރުންގެ ފަރާތުން ރައީސް ޔާމީނަށް އޮތް ލޯބި ވަނީ މީސް މީޑިއާގައި ހާމަކޮށްފައެވެ. އަދި 5 އަހަރުގެ ޖަލު ހުކުމެއްގައި ޔާމީން ހުންނެވުމާ ގުޅިގެން ގިނަ ބަޔަކު އަންނަނީ އެމަނިކުފާނަށް ހިތްވަރުވެސް ދެއްވަމުންނެވެ.
Birthday greetings to the most visionary leader this nation have ever witnessed, President Yameen; the only president who brought real development amid challenging times. Sir, today the nation needs you more than ever to build economic resilience.🎉🎈#FreePresidentYameenNow pic.twitter.com/esqHiEjv1C
— Centurion (@King_Cen12) May 20, 2021
ރައީސް ޔާމީން ވަގުތީގޮތުން ގެޔަަށް ބަދަލު ކުރުމާ ގުޅިގެން އެމަނިކުފާނު މީސް މިޑިއާ ބޭނުން ކުރައްވައެވެ. ގިނަ ބަޔަކު އަންނަނީ ވަޓްސްއެޕް، ޓެލެގްރާމް އަދި ސިގްނަލްގެ ޒަރިއްޔާއިންވެސް އުފަންދުވަހުގެ ތަހުނިޔާގެ މެސެޖުތައް އެމަނިކުފާނަށް ފޮނުވަމުންނެވެ. އަދި އެ ހުރިޙާ ފަރާތްތަކަށް ޔާމީން ޖަވާބު ދެއްވައެވެ.
Today is a very special day as we recognise the birthday of the only visionary leader this Nation has ever witnessed.
You are a true inspiration.
Thank you for your exceptional
leadership & everything that you did for this Nation.
Happy Bday President Yameen.#FreeRaeesYameenNow pic.twitter.com/ECuQeqgoip— kudii 🇲🇻 (@kudiiiiiiii) May 20, 2021
ސަޕޯޓަރުންގެ ފަރާތުން ރައީސް ޔާމީނަށް ފޮނުވާފައިވާ މެސެޖުތަކުގައި ވަނީ އެމަނިކުފާނަކީ ގޮންޖެހުންތަކާއެކު ދިވެހިރާއްޖެއަށް ތަރައްގީއާއި ކުރިއެރުން ހޯއްދަވައިދެއްވި ރައީސެއް ކަން ހާމަކޮށްފައެވެ. އަދި މިއަދު ރާއްޖެ ދެކެމުން އަންނަ ދަރި އުނދަގޫ ދުވަސްތަކުން އަރައިގަތުމަށް އެމަނިކުފާނުގެ މުހިންމުކަން ބަޔާންކޮށްދީފައިވެއެވެ. މީގެ އިތުރުން ޔާމީންގެ ލީޑަރޝިޕްގެ ދަށުން ގައުމަށް ގެނައި ހެޔޮ ބަދަލަށް އަބަދުވެސް ޝުކުރުވެރިވާ ކަމަށް އެފަރާތްތަކުން ވަނީ ބުނެފައެވެ.
A leader with high ethics and morality, brave, fearless mostly a role model. May you have many more years and sound health to stay with us and continue to lead. Happy 62nd Birthday President Yameen.! ❤️ pic.twitter.com/ymczCa0KS8
— Soofi (@maaaaash17) May 20, 2021
ޔާމީންގެ ސަޕޯޓަރުން ބުނެފައިވާގޮތުގައި އެމަނިކުފާނުގެ ފަރާތްޕުޅުން ފެނިގެންދިޔައީ ގާނޫނު ނެގެއްހެއްޓުމުގައި ހިކުމަތްތެރިކަމާއި ޖެހިލުން ކުޑަ ކަމެވެ. އަދި އިތުރު ދައުރެއް އެމަނިކުފާނަށް ހައްގުވާ ސަބަބަކީ ދިވެހިވަންތަ ސިފަތަކާއެކު ވެރިކަން ކުރެއްވުމުން ކަމަށްވެސް ބުނެފައިވެއެވެ.
”ރައީސް ޔާމީނަށް އުފާވެރި އުފަންދުވަހަކަށް އެދެން. ތިޔައީ ދިރުމެއް ވާނަމަ، އުންމީދެއް އޮންނާނެކަން އަޅުގަނޑުމެންނަށް ދައްކަވައިދިން ރައީސް. މަނިކުފާނަށް އުފާވެރި މުސްތަގުބަލަކަށް އެދޭ ހާލު، ދުޅަ ހެޔޮ ސިއްހަތެއް މިންވަރުކުރެއްވުން އެދި މާތްﷲ އަށް ދުއާ ކުރަން“ ޔާމީންގެ ސަޕޯޓަރެއް
Happy B’day President Yameen; who showed us “Where there is hope there is life”. May Allah keep you in good health, happiness and contentment.♥️ pic.twitter.com/PPIIwmSFBS
— Yasiru_Arafaath_Muhammad🇲🇻🇵🇸 (@Yasiru_A) May 21, 2021
މަނީ ލޯންޑަރ ކުރެއްވިކަމަށް ބުނެ ރައީސް ޔާމީން ޖަލަށް ލާން ހުކުމް ކުރީ 2019 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހުގައެވެ. އެމަނިކުފާނަށް ކުރި ދައުވާއަކީ ސިޔާސީ ދައުވާއެއް ކަމަށާއި، މުޅި ޝަރީއާތް ބިނާކޮށްފައިވަނީ ފާސިގުންގެ ހެކިބަހަކަށް ކަން ޔާމީންގެ ވަކީލުންގެ އިތުރުން ޕްރޮގްރެސިވް ކޮންގްރެސް ކޯލިޝަނުން ވަނީ ބުނެފައެވެ. ކަފާލާތުގެ ދަށުން ހައި ކޯޓުން އެމަނިކުފާނު ދޫކުރުވެން ނެތްކަމް ނިންމާފައިވާއިރު ދަށު ކޯޓުގެ ހުކުމްވެސް ހައި ކޯޓުން ދަމަހައްޓާފައިވެއެވެ. އެ ކޯޓުގެ ނިންމުން ޔާމީންގެ ފަރާތްޕުޅުން ސުޕްރީމް ކޯޓުގައި މިހާރު ވަނީ އިސްތިއުނާފް ކޮށްފައެވެ. ޖަލުން ގެޔަށް ބަދަލުވުމުގެ ކުރިން ޔާމީން ވިދާޅުވެފައިވަނީ އެނބުރިވަޑައިގަންނަވާނީ ވަރުގަދަކޮށް ކަމަށެވެ. އަދި އެމަނިކުފާނުގެ މައުސޫމްކަން ސާބިތުކޮށްދެއްވާނެ ކަމަށްވެސް ވިދާޅުވެފައިވެއެވެ.
