ލޮނުޒިޔާރަތްމަގު ގައި ހުންނަ ޕިކްސީ ކައިރީ އަލިފާނުގެ ހާދިސާއެއް ހިނގައިފިއެވެ.
މިހާރު އެސަރަހައްދުގައި ސިފައިންނާއި ފުލުހުން އަންނަނީ ހަރަކާތްތެރިވަމުންނެވެ.
އެމްއެންޑީއެފް އިން ބުނީ ލޮނުޒިޔާރަތްމަގު ޕިކްސީ ކިޔާ މާ ވިއްކާ ފިހާރައެއްގެ ކައިރީ ހުރި ވޯކްޝޮޕެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔާ އެންޑް ރެސްކިޔު ސާވީސްއިން އެ ސަރަހައްދުގައި ހަރަކާތްތެރިވާން ފަށާފައިވާކަމުގައެވެ. އެމްއެންޑީއެފް އިން ބުނިގޮތުގައި މިހާދިސާގެ މައުޅޫމާތު އެމްއެންޑީއެފްއަށް ލިބިފައިވަނީ މިއަދު 15:48 ގައެވެ.
މައުލޫމާތު ލިބޭ ގޮތުގައި މިހާރުވަނީ އެ ވޯކްޝޮޕުގައި ރޯވި އަލިފާންގަޑު ނިއްވާލާފައެވެ.
މި ހާދިސާ އާއި ގުޅިގެން އެ ވޯކްޝޮޕަށް ލިބިފައިވާ ގެއްލުން އަދި އެނގިފައެއްނުވެއެވެ.
