ވެރިކަމުގެ ނިޒާމު ބަދަލުކުރަން މި ވަގުތަކީ އެންމެ ރަނގަޅު ވަގުތު ނޫންކަމަށް ރައްޔިތުން މަޖިލީހުގެ މަރަދޫ ދާއިރާގެ މެންބަރު އިބްރާހިމް ޝަރީފް( މަވޯޓާ ޝަރީފް) ވިދާޅު ވެއްޖެއެވެ.
ޝަރީފް ވިދާޅުވީ ގައުމުގެ އިގްތިސޯދު ފުންވަޅުގަނޑެއްގައި އޮއްވާ އަދި ސިއްހީ ކާރިސާއަކުން އަރާ ނުގަނެވިގެން އުޅޭ ދަނޑިވަޅެއްގައި ދައުލަތުގެ ބަޖެޓުން 150 މިލިއަން ރުފިޔާ ހަރަދުކޮއްގެން ނިޒާމީ ވޯޓެއް ނެގުމަކީ މިވަގުތަށް އެންމެ ރަނގަޅު ގޮތް ނޫންކަމަށެވެ.
ރައްޔިތުން އަތާ އަނގައާ ދިމާނުވެ ތިއްބާ، ގައުމަށް ހެޔޮ އެދޭ ބަޔަކު ދަުލަތުން 150 މިލިއަން ރުފިޔާ ހަރަދު ކޮއްގެން ނިޒާމީ ވޯޓެއް ނަގަން އުޅެފާނެބާ؟ މަވޯޓާ ވިދާޅުވިއެވެ.
Gaumu iguthisaadhee fun valhugadegge therey ovvaa adhi sihhee bodu kaarisaa akun arainuganevi hindhemi nulevi ovvaa, rayyithun athaa angayaa dhimaa nuve thihbaa, gaumah heyo edhey bayaku dhaulathun MVR 150 million kharadhu koggen nizaamee vote nagan ulhefaane baa?
— Ibrahim Shareef (@AdduShareef) August 23, 2021
މަވޯޓާ ޝަރީފް ވިދާޅުވޮގޮތުގައި ސަރުކާރުގެ ބަޖެޓު ފޯބެއްދުމަށްޓަކައި މިހާރުވެސް 300 މިލިއަން ޑޮލަރުގެ ސުކޫކް %10 އިންތަރެސްޓުގައި ވަނީ ވިއްކާފަކަމަށެވެ. އެހެންކަމުން މި ވަގުތަކީ ދައުލަތުންނާއި ކެންޕޭނަށް ބޮޑެތި ހަރަދުތަށް ކޮށްގެން ނިޒާމީ ވޯޓެއް ނަގަންވީ ވަގުތު ނޫންކަމުގައެވެ.
މީގެ އިތުރުން މަވޯޓާ ޝަރީފް ވަނީ ބަރުލަމާނީ ނިޒާމަށް އެމަނިކުފާނު ތާއިދު ނުކުރާކަން ހާމަކޮށްފައެވެ.
Barulamaanee nizaamakee riyaasee nizaamah ragalhu nizaameh nooneve
— Ibrahim Shareef (@AdduShareef) August 23, 2021
މަވޯޓާ ޝަރީފްވިދާޅުވި ގޮތުގައި އަވަސްއަރުވާލައިގެން ވެރިކަމުގެ ނިޒާމު ބަދަލު ކުރަން އުޅެނީ ސިޔާސީ ބައެއް ބޭފުޅުންގެ އަމިއްލަ ފައިދާއަކަށް ކަމަށެވެ.
