ގއ. މާމެންދޫ ސްކޫލުން ކޯވިޑް-19އިގެ ކޭސްތަކެއް ފެނި ސްކޫލް ބަންދުކޮށް، ރަށަށް އަރާ ފޭބުން މަނާކޮށްފި އެވެ.
މިއީ މިއަދު އަރާ ފޭބުން މަނާ ކުރި 3 ވަނަ ރަށްކަން ފާހަގަ ކޮށްލެވެއެވެ.
މާމެންދޫ އިން ފައްސިވެފައި ވަނީ ގދ. ތިނަދޫން ފައްސިވި ބަޔަކާއި ކޮންޓެކްޓވި 2 މީހުން ކަމަށް މައުލޫމާތު ލިބެއެވެ.
އޮންލައިން ނޫހެއްކަމުގައިވާ ”ސީއެންއެމް“ އަށް މައުލޫމާތު ދެއްވަމުން މާމެންދޫ ކައުންސިލްގެ ރައީސް އަހްމަދު އަޒީޒު ވިދާޅުވީ ގދ. ތިނަދޫއިން ކޮވިޑަށް ޕޮޒިޓިވްވި މީހެއްގެ ޑައިރެކްޓް ކޮންޓެކްޓެއްގެ ގޮތުގައި އެލްކޭޖީގައި ކިޔަވަމުންދާ ކުޑަ ކުއްޖަކާއި ގްރޭޑް 10 ގައި ކިޔަވަމުންދާ ދަރިވަރަކު ހިމެނެއެވެ.
މިކަމާއި ގުޅިގެން އެރަށު ސްކޫލުގައި ކިޔަވައި ދިނުން ވަނީ މެދުކަނޑާލާފައެވެ.
