އިނގިރޭސި ކްލަބް ޗެލްސީގެ ޒުވާން ފޯވާޑް ޓެމީ އަބްރަހަމް އިޓަލީގެ ރޯމާއަށް ބަދަލުވެއްޖެއެވެ.
އަބްރަހަމް ރޯމާއަށް ބަދަލުވެފައި ވަނީ މިއަދުގެ ވަގުތެއްގައެވެ. ބޭރުގެ ރިޕޯޓުތަށް ބުނާ ގޮތުގައި އަބްރަހަމް ރޯމާއަށް ބަދަލުވެފައި ވަނީ 40 މިލިއަން ޔޫރޯ އަށެވެ.
އަބްރަހަމް ވަނީ ނިމިދިޔަ ސީޒަނުގައި ޗެލްސީއާއި އެކު ޔޫރަޕުގެ އެންމެ ޝަރަފުވެރި ކްލަބް މުބާރާތް ކަމުގައިވާ ޗެމްޕިއަންސް ލީގު ކާމިޔާބުކޮށްފައެވެ.
މި ޓްރާންސްފާ މާކެޓުގައި ޗެލްސީން ވަނީ އިޓަލީގެ އިންޓަމިލާންގެ ފޯވާޑް ރޮމެލޫ ލުކާކޫގެ ސޮއި 115 މިލިއަން ޔޫރޯގެ ރެކޯޑު ފީއަކަށް ހޯދާފައެވެ.
