ނޫމަޑި މައްސަލާގައި ކުރީގެ ހައުސިން މިނިސްޓަރ އަދި މިހާރުގެ މާލެ ސިޓީގެ މޭޔަރު ޑރ މުހަންމަދު މުއިއްޒުގެ މައްޗަށް ދައުލަތުން އުފުލާފައިވާ ދައުވާއަށް އެމަނިކުފާނު އިންކާރު ކުރައްވާފިއެވެ.
މި މައްސަލާގައި ދައުލަތުން ޑރ މުއިއްޒުގެ މައްޗައް އުފުލާފައިވާނީ ދޮގު ބަޔާން ދިނުމުގެ ދައުވާއެވެ. ކްރިމިނަލް ކޯޓުގައި މިއަދު ކުރިއަށް ގޮސްފައިވަނީ މި މައްސަލާގައި ދައުވާ އިއްވުމާއި ދައުވާއަށް ޖަވާބުދާރީވުމުގެ އަޑުއެހުމެވެ.
ދައުވާއަށް ޖަވާބުދާރީވަމުން ޑރ މުއިއްޒުގެ ދިފާއި ވަކީލް އަހްމަދު ހުޝާމް ވަޖީހު ވިދާޅުވެފައިވަނީ ދައުވާގައި ބަޔާންކޮއްފައިވާ އެއްވެސް އަމަލެއް ޑރ މުއިއްޒު ހިންގާފައި ނުވާކަމަށެވެ. އަދި އެފަދަ ބަޔާނެއްވެސް ދެއްވާފައި ނުވާނެ ކަމަށެވެ.
މި މައްސަލައިގެ ދެެން ބާއްވަން ތާވަލް ކޮށްފައި ވަނީ އަންނަ މަހުގެ 20 ވަނަ ދުވަހުއެވެ.
