ކުރީގެ ރައީސް މައުމޫން އަބްދުލްގައްޔޫމުގެ ގެކޮޅު ކަމަށްވާ މއ.ކިނބިގަސްދޮށުގޭ ވެޔޮ ގަހަކަށް ކާށިދޫ ދާއިރާގެ މެންބަރު އަބްދުﷲ ޖާބިރު ގެއްލުން ދިން މައްސަލައެއް ފުލުހުން ބަލަން ފަށައިފިއެވެ.
”ބޮންތި“ އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ އެ މައްސަލަ އާއި ގުޅިގެން ފުލުހުން ބަލަންޖެހޭ ކަންކަން ބަލަމުންދާކަމަށެވެ.
އޮންލައިން ނޫހެއް ކަމަށްވާ ”ވަގުތު“ ނޫހުގެ ފޭސްބުކް ޕޭޖުން ފެންނަ ވީޑިއޯއިން މެންބަރު ޖާބިރު ކިނބިގަސްދޮށުގޭ ވެޔޮ ގަހަކަށް ގެެއްލުންދޭ މަންޒަރު ފެނެއެވެ.
ޖާބިރު ވަނީ ކިނބިގަސްދޮށުގޭ ކުރިމަތީގައި ހުންނަވައި ރައީސް މައުމޫނު އޭނާގެ އަތުން ރިޔާސީ އިންތިހާބުގައި ނެންގެވި ކަމަށް ބުނާ ފައިސާ އަނބުރާ ދެއްކުމަށް ގޮވާލައްވާފައެވެ.
