މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) މިހާރު އޮތީ ފުނޑުފުނޑުވެފައި ކަމަށް އެކުންފުނީގެ ކުރީގެ ބޯޑު މެންބަރު އަދި އައިލެންޑް އޭވިއޭޝަން ލިމިޓެޑްގެ ކުރީގެ ޑިރެކްޓަރ ކެޕްޓަން މުހައްމަދު އަމީން ވިދާޅުވެއްޖެއެވެ.
ކެޕްޓަން އަމީން ކުރެއްވި ޓުވީޓެއްގައި ވިދާޅުވީ އެމްއޭސީއެލްގެ މުވައްޒަފުންގެ އުސޫލުތައް ނުހިފެހެއްޓި، ކުންފުނީގެ އޮޕަރޭޝަންތައް މަސްހުނިވެ، ހިދުމަތް ދިނުމަށް ބުރޫ އަރާފައިވާކަމަށެވެ. އެކަމުގެ ނަތީޖާއެއް ކަމަށް އަމީން ފާހަގަކުރެއްވީ މަސައްކަތަށް ގާބިލު ދިވެހިން ބޭރުކޮށް، ބޭރު ބައެއްގެ އަތްމައްޗަށް ކުންފުނީގެ މަސައްކަތްތައް ހަވާލު ކުރުމެވެ.
”މި ސަރުކާރުގެ ޕޮލިސީތަކުގެ ސަބަބުން ދައުލަތުގެ ހުރިހާ އިންސްޓިޓިއުޝަން ތަކެއް ހަލާކު ވެއްޖެ.“ އަމީން ވިދާޅުވިއެވެ.
MACL mihaaru othee fundufudu vefa!
Staffunge moral eh neih, Operation mahsunive ehves hidhumatheh nudhevey!
Gaabil dhivehin beyrukoh, Naagaabil beyru meehun geneumuge natheeja.
Mi Sarukaaruge Policy thkuge sababun dhaulathuge hurihaa institution thakeh halaaku vehjje!
— Mohamed Ameen (@ameen3d) August 3, 2021
އެމްއޭސީއެލްގައި އެމްޑީއެއް ނެތްތާ ދެ އަހަރަށްފަހު އެ މަގާމަށް އައްޔަން ކުރީވެސް ބޭރު މީހެކެވެ. އޭނާ އަކީ އިނގިރޭސި ރައްޔިތެއް ކަމަށްވާ ގޯޑަން އެންޑްރޫ ސްޓީވާޓް އެވެ.
