އިދިކޮޅުގެ ”މިނިވަންކަމުގެ ދިފާއުގައި“ ކެމްޕެއިނުގައި ބައިވެރިވުމަށް ސިޔާސީ ޕާޓީތަކަށް ދައުވަތު ދީފިއެވެ.
ޕީޕީއެމުން ކުރި ޓުވީޓެއްގައި ބުނީ ގައުމު އަޅުވެތިކަމުން ސަލާމަތް ކުރުމަށް ޕީޕީއެމް ޕީއެންސީ ކޯލިޝަނުން ފަށާފައިވާ ”މިނިވަންކަމުގެ ދިފާޢުގައި – ދިވެހީން“ ކެމްޕެއިނާއި ގުޅުމުގެ ދައުވަތު ސަރުކާރު ކޯލިޝަނުގައި ހިމެނޭ ޕާޓީތަކަށް އަރުވާ ކަމަށެވެ. އެކަމަކު ސަރުޚާރު ހިންގާ މައި ޕާޓީ އެމްޑީޕީއަށް މި ކެމްޕެއިނުގައި ބައިވެރިވުމަށް ދައުވަތު ދީފައެއް ނުވެއެވެ.
”މި ކެމްޕެއިނާއި ގުޅުމުގެ ދަޢުވަތު ޖުމްހޫރީ ޕާޓީ، ޢަދާލަތު ޕާޓީ، އެމްއާރުއެމް، އެމްޑީއޭ އަދި އެޕާޓީތަކުގެ ލީޑަރުންނަށް ރަސްމީކޮށް މިއަދުވަނީ ފޮނުވާފަ.“ ޕީޕީއެމުން ބުނެފައިވެއެވެ.
ޤައުމު އަޅުވެތިކަމުން ސަލާމަތް ކުރުމަށް ޕީޕީއެމް ޕީއެންސީ ކޯލިޝަނުން ފަށާފައިވާ "މިނިވަންކަމުގެ ދިފާޢުގައި – ދިވެހީން" ކެމްޕެއިނާއި ގުޅުމުގެ ދަޢުވަތު ޖުމްހޫރީ ޕާޓީ، ޢަދާލަތު ޕާޓީ، އެމްއާރުއެމް، އެމްޑީއޭ އަދި އެޕާޓީތަކުގެ ލީޑަރުންނަށް ރަސްމީކޮށް މިއަދުވަނީ ފޮނުވާފަ
— Progressive Party of Maldives (@ProgressPartyMV) August 2, 2021
އިދިކޮޅުގެ މި ހަރަކާތަކީ އިންޑިއާ އަސްކަރިއްޔާގެ ގިނަ އަދަދެއްގެ ސިފައިންނާއި އެ ގައުމުގެ ޖާސޫސޫން ރާއްޖޭގައި ހަރަކާތްތެރިވަމުން ދާ ދަނޑިވަޅަކާ ދިމާކޮށް ހިންގޭ ހަރަކާތެކެވެ.
