ހުޅުމާލެ ފްލޫ ކްލިނިކް ބަންދުކޮށްފައި ހުރުމުގެ ސަބަބުން ވެކްސިން ޖަހަން ދިޔަ އާންމުންނަށް ހިދުމަތް ނުލިބުނުކަން ހާމަ ވެއްޖެއެވެ.
ކޯވިޑް-19 އިން ރައްކާތެރިވުމަށް ވެކްސިން ޖެހުމަށް މިއަދު ހެނދުނު 09:30 އަށް އެޕޮއިންޓްމެންޓު ހަމަޖެހިގެން ދިޔަ މީހުން ގިނަ އިރުތަކެއް ވަންދެން ހުޅުމާލެ ފްލޫ ކްލިނިކް ބޭރުގައި މަޑުކޮށްފައިވެއެވެ.
”ބޮންތި“ އަށް މައުލޫމާތު ދިން އާންމުންގެ މީހަކު ބުނީ ހަމަޖެހިފައިވާ ގަޑިއަށް ވެކްސިން ޖެހުމަށް ފްލޫ ކްލިނިކަށް ދިޔަ އިރު ތަން ބަންދުކޮށްފައި ހުރުމުގެ ސަބަބުން ހަދަންވީ ގޮތެއް ނޭނގި ގިނައިރު މަޑު ކުރަން ޖެހުނު ކަމަށެވެ.
”މިތަނަށް އައި އިރު ޖަވާބުދާރީ ވާނެ ވެރިއެއް ނެތް. ވާންވީ ކިހިނެއް ކަމެއް ނޭނގެ. ދެން މިއެންގީ ވެކްސިން ދިނުން ހުޅުމާލެ ހޮސްޕިޓަލަށް ބަދަލު ކުރިކަން. އެކަމަކު ގުޅާލާފަ ބުނެލަންވާނެ ދޯ.“ އޭނާ ބުންޏެވެ.
@HPA_MV @HMH_mv in gulhaigen appointment dhineema vaccine dhevana dose jahan hulhumale flue clinic ah Rayyithun dhiyairu flue clinic bandhu, javaab dhaaree vaane veriyeh nei? @IbrahimShujaau pic.twitter.com/elVUbtTi9i
— Ahmed Narysh (@ahmed_narysh) July 31, 2021
މިކަމާ ގުޅިގެން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކުރި ޓުވީޓެއްގައި ބުނީ ހުޅުމާލޭގައި ވެކްސިން ދިނުން މިހާރު އެ ރަށު ހޮސްޕިޓަލަށް ބަދަލުކުރެވިފައިވާ ކަމަށެވެ.
”މިކަމުގައި ދިމާވަމުންދާ ދަތިތަކަށް މައާފަށް އެދެން.“ އެޗްޕީއޭއިން ބުންޏެވެ.
ހުޅުމާލޭގައި ވެކްސިން ދިނުން މިހާރު ވަނީ ހުޅުމާލެ ހޮސްޕިޓަލަށް ބަދަލުކުރެވިފައި.
މިކަމުގައި ދިމާވަމުންދާ ދަތިތަކަށް މައާފަށް އެދެން.— Health Protection Agency (@HPA_MV) July 31, 2021
ކޯވިޑް-19 އިން ރައްކާތެރިވުމަށް ގިނަ ބަޔަކު އަންނަނީ ސަރުކާރުގެ ވެކްސިން ޕްރޮގްރާމުގައި ބައިވެރިވަމުންނެވެ. އަދި ވީހާވެސް ގިނަ ބަޔަކު ވެކްސިން ޖެހުމަކީ ސަރުކާރުގެ ވަރަށް ބޮޑު އެދުމެކެވެ.
