ކަރަންޓު ބިލު ބޮޑުވީ މާލެ ސިޓީގެ މޭޔަރު ޑރ.މުހައްމަދު މުއިއްޒު ހައުސިންގެ މިނިސްޓަރު ކަމުގެ މަގާމުގައި ހުންނެވި ދުވަސްވަރު ކަން ކުރެއްވި ގޮތުގެ ސަބަބުން ކަމަށް ވިދާޅުވެ އެމްޑީޕީގެ ޕާލިމެންޓް ގްރޫޕް ލީޑަރު އަދި މެދު ހެންވޭރު ދާއިރާގެ މެންބަރު އަލީ އާޒިމް ކުރީ ސަރުކާރަށް ފާޑުވިދާޅު ވުމަށްފަހު، އެވާހަަކަ ޝާއިއު ކުރި ނޫސްވެރިންނަށްވެސް ފާޑުވިދާޅުވެއްޖެއެވެ.
މެންބަރު އާޒިމް ކުރެއްވި ޓުވީޓެއްގައި ވިދާޅުވީ ޖުލައި މަހުގެ ކަރަންޓު ބޮޑުވީ ވަކި ސަރުކާރަކާ ހެދިކަމަށް ވިދާޅު ނުވާ ކަމަށެވެ. އޭނާ ވަނީ ނޫސްވެރިންނަކީ އެކްޓިވިސްޓުންގެ ގޮތުގައި ސިފަ ކުރައްވާފައެވެ.
”އަދި އެއްފަހަރު ޓުވީޓް ބައްލަވާލައްވާ. އެއްފަހަރުވެސް ނުބުނަން ނިމިދިޔަ މަހުގެ ކަރަންޓްބިލް ބޮޑުވީ ވަކި ސަރުކާރަކާ ހެދިއެކޭ. އެކްޓިވިސްޓުން ނޫސްވެރިންނޭ ކީމަ ވާގޮތްމީ.“ އާޒިމް ވިދާޅުވިއެވެ.
އެކަމަކު މީގެ ކުރިން އާޒިމް ކުރެއްވި ޓުވީޓުގައި ވަނީ ކަރަންޓު ބިލު ބޮޑުވަނީ ޑރ.މުއިއްޒު އިންނެވި ކެބިނެޓަކުން ދެކޮޅުނުޖެހޭ އިގްތިސާދީ ގިނަ ނިންމުންތަކެއް ނިންމުމުގެ ސަބަބުން ކަން ފާހަގަކުރައްވާފައެވެ.
އަދި އެއްފަހަރު ޓުވީޓް ބައްލަވާލައްވާ. އެއްފަހަރުވެސް ނުބުނަން ނިމިދިޔަ މަހުގެ ކަރަންޓްބިލް ބޮޑުވީ ވަކި ސަރުކާރަކާ ހެދިއެކޭ. އެކްޓިވިސްޓުން ނޫސްވެރިންނޭކީމަ ވާގޮތްމީ. އުންމީދު ކަނޑައެއްނުލަން. ރަގަޅުވާނެ. https://t.co/AnDPrORTRE
— 𝐀𝐥𝐢 𝐀𝐳𝐢𝐦 (@aliaazim) July 31, 2021
އާޒިމްގެ ޓުވީޓުތަކުން ކަރަންޓުގެ އަގު އުފުލިގެން އުޅެނީ ކުރީ ސަރުކާރުން ކުރި ކަމަކުން ކަން ސާފުވެއެވެ. އެކަމަކު އޭނާ އަށް ގިނަ ބައެއްގެ ފާޑުކިޔުން އަމާޒުވުމުން ގޯސްވީ ނޫސްވެރިންނެވެ.
