ކޯވިޑު އެހީގެ ގޮތުގައި އޮސްޓްރޭލިއާއިން ރާއްޖެއަށް ކުރި ހަރަދު 9 މިލިއަން ރުފިޔާއަށް އަރައިފި
ކޯވިޑު-19 އިން ސަލާމާތްވުމަށް އޮސްޓްރޭލިއާއިން ރާއްޖެއަށް ފޯރުކޮށްދިން އެކި އެކި އެހީތަކަށް ކުރި ހަރަދު 9 މިލިއަން ރުފިޔާއަށް އަރައިފިއެވެ.
އޮސްޓްރޭލިއާ ސަރުކާރުން އެންމެ ފަހުން ރާއްޖެއަށް ހަދިޔާ ކުރީ 3.5 ޓަނުގެ ޕާސަނަލް ޕްރޮޓެކްޓިވް އިކުއިޕްމަންޓް (ޕީ.ޕީ.އީ) އެވެ. މިތަކެތި ސަރުކާރާއި ހަވާލުކުރުމުގެ ގޮތުން ސްރިލަންކާގައި ހުންނަ އޮސްޓްރޭލިއާ ހައިކޮމިޝަންގައި ވަނީ ހާއްސަ ރަސްމިއްޔާތެއް ބާއްވާފައެވެ. އެގައުމުން ރާއްޖެއަށް ފޯރުކޮށްދިން އެހީގެ ތެރޭގައި ކޯވިޑުގެ ހާލަތުން އަރައިގަތުމަށް އިސް ސަފުގައި މަސައްކަތް ކުރާ ފަރާތްތަކަށް ލިބިދޭ ވަސީލަތްތައް އިތުރު ކުރުމާއި، އަންހެނުންނާއި ތުއްތު އަންހެން ކުދިންނަށް ރައްކާތެރިކަން ފޯރުކޮށްދިނުމާ ގުޅުންހުރި ކަންކަން ހިމެނެއެވެ.
🇦🇺 was pleased to gift 🇲🇻 3.5 tonnes of Personal Protective Equipment (PPE). The 🇦🇺 Government’s COVID support to Maldives now totals AUD 780,000 (approx. MVR 9 million) including donations of PPE, capacity building for frontline workers & support for women & girls. pic.twitter.com/VWHBdvS1a2
— Australia in Sri Lanka and Maldives (@AusHCSriLanka) July 27, 2021
ކޯވިޑާއި ގުޅިިގެން ތަކެއްޗާއި ފައިސާގެ ހިލޭ އެހީގެ އިތުރުން ގިނަ އަދަދައްގެ ލޯނު އެހީ ސަރުކާރަށް ވަނީ ލިބިފައެވެ. އެކަމަކު ސަރުކާރަށް ލިބެމުންދާ އެހީތެރިކަން އެންމެ އެކަށޭނެ ގޮތަށް ބޭނުން ނުކުރެވޭ ކަމަށް ގިނަ އާންމުން ބުނެއެވެ. ހާއްސަގޮތެއްގައި ހިލޭ މާސްކާއި އަންގި ފަދަ ތަކެތި ނުލިބޭ މައްސަލައަކީ އާންމުންގެ ވަރަށް ބޮޑު ކަންބޮޑުވުމެކެވެ.
