މިއަހަރުގެ މޭ މަހުގެ 6 ވަނަ ދުވަހު މަޖިލީހުގެ ރައީސް މުހައްމަދު ނަޝީދު އަވަހާރަކޮށްލުމަށް ދިން ހަމަލާ އާއި ގުޅިގެން ހިންގި ތަހުގީގަކީ މިހާތަނަށް ފުލުހުން ހިންގި އެންމެ ކާމިޔާބު އެއް ތަހުގީގު ކަމުގައި ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އިމްރާން ކުރެއްވި ޓްވީޓުގައި ވަނީ މި ތަހުގީގަކީ ފުލުހުން ހިންގި އެންމެ ބޮޑު އަދި އެންމެ ބުރަ އެއް ތަހުގީގުކަން ފާހަގަކުރައްވާފައެވެ. އަދި މި ތަހުގީގު ހިންގި އިރު ގިނަ ގޮންޖެހުންތަކަކާއި ކުރިމަތިވި ނަމަވެސް ސަތޭކަ ފުލުހުން ބައިވެރިވެފައިވާތީ އެކަން ބަލައިގަންނަ ކަމުގައިވެސް އިމްރާން ވިދާޅުވިއެވެ.
އިމްރާން ވިދާޅުވީ މި ހަމަލާ އަކީ ރާއްޖޭގައި މިހާތަނަށް ދެވުނު ޓެރެރިޒަމްގެ އެންމެ ނުރައްކާތެރި ހަމަލާ ކަމުގައެވެ.
May6ge hamalaage thahuqeeq akee mihaathanah fuluhun hingaafaivaa emme bodu, emme bura adhi emme kaamiyaabu eh thahuqeeq. Gina gonjehun thakaa eku fuluhun ge hurihaa bahaathakehge ethah satheyka fuluhunge baiverivumaaeku thahuqeeq kaamiyaabu kurumah kurevunu masahkayi balaigannan.
— Imran Abdulla (@ShimranAb) July 24, 2021
އިމްރާން އިތުރަށް ވިދާޅުވީ ފުލުހުންގެ ތަހުގީގުގެ މައްޗަށް ބިނާކޮށް ކާމިޔާބު ކަމާއިއެކު މި މައްސަލަ ޕްރޮސެކިއުޓް ކުރުމަށްކުރަންޖެހޭ ހުރިހާ ކަމެއް ޕްރޮސެކިއުޓާ ޖެނެރަލް ކުރާނެ ކަމުގެ ފުރިހަމަ ޔަގީންކަން އެބަ އޮތް ކަމުގައެވެ.
