ގާނޫނުލް އުގޫބާތުގައި ކުށަކަށް ހަދާފައިވާ ކަމެއް ނަފްރަތުގެ ބިލުގައި އަލުން ރިޕީޓު ކުރަން ޖެހޭތޯ މާފަންނު އުތުރު ދާއިރާގެ މެންބަރު އިމްތިޔާޒް ފަހްމީ ސުވާލު އުފައްދައިފިއެވެ.
އިންތި ކުރެއްވި ޓްވީޓެއްގައި ވިދާޅުވީ ގާނޫނުގައި ކުރިން އޮތްގޮތް ބަދަލު ކުރަން ބޭނުންފުޅުވާ ކަމުގައި ވާނަމަ ޖެހޭނީ މަޖިލީހަށް އެހެން ބިލެއް ހުށައަޅަން ކަމުގައެވެ.
ޤާނޫނުލް އުޤޫބާތުގައި މިހާރުވެސް ކުށަކަށް ހަދާފައި އޮތް ކަމެއް މި ބިލުގައި ވެސް އަލުން ރިޕީޓްކުރަން ޖެހޭތޯ؟ ކުރިން އޮތް ގޮތް ބަދަލުކުރަން ބޭނުން ނަމަ އަލުން އެެހެން ބިލެއް ނޫންތޯ އެކަމަށްޓަކައި ހުށަހަޅަންޖެހެނީ؟
މި ސަބަބާ ހުރެތޯ އެ ބިލަށް އެވަރެއް އެ ކުރެއްވީ؟ https://t.co/vrg70WFaYC
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) July 23, 2021
ނަފްރަތުގެ ބިލު ފާސްވިޔަ ނުދިނުމަށް އެހާ ގަދަ އަޅާ މަސައްކަތް ކުރީ އެ ބިލުގައި ދީނަށް ފުރައްސާރަ ކުރާ މީހުންނަށް ލިބޭ އަދަބުތަކުގެ ވާހަކައެއް ނެތުމުންތޯ އިންތި ވަނީ ސުވާލު އުފައްދަވާފައެވެ.
އިންތި މިފަދައިން ވިދާޅުވެފައި މިވަނީ ނަފްރަތުގެ ބިލުގައި ދީނަށް ފުރައްސާރަ ކުރާ މީހުންނަށް ލިބޭ އަދަބުތަކުގެ ވާހަކަ ނެތް ކަމުގައި އިސްލާމިކް މިނިސްޓަރ ޑރ އަހުމަދު ޒާހިރު އަލީ ވިދާޅުވުމާއި ގުޅިގެންނެވެ.
