އަތަމަނަގެ ނަމުގައި ހަފްތާ ނޫހެއް ނެރުމަށް މާލެ ސިޓީ ކައުންސިލުން ނިންމައިފިއެވެ.
މި ނިންމުން ނިންމާފައިވަނީ 15 ޖުލައި 2021 ވަނަ ދުވަހު ބޭއްވި ކައުންސިލް ބައްދަލުވުމުގައެވެ. ކައުންސިލުން ކަނޑައަޅާ އެޑިޓޯރިއަލް ބޯޑެއް ހަމަޖައްސާ އެ ބޯޑުގެ ބެލުމުގެ ދަށުން މި ނޫހުގެ ކަންކަން ކުރިއަށް ގެންދިއުމަށް ވަނީ ހަމަޖެހިފައެވެ.
މި ނޫހުން ރައްޔިތުންނަށާއި އެހެން މީޑިއާތަކަށް ކައުންސިލުން ހިންގާ ހަރަކާތްތަކުގެ މައުލޫމާތު ފޯރުކޮށްދޭނެއެވެ.
މި ނޫހުގައި ހިމެނޭނީ ކައުންސިލުން އެ ހަފްތާއެެއްގައި ހިންގާފައިވާ ކަންކަމުގެ ހަބަރުތަކާއި އާންމުކުރާ އެކިއެކި ލިޔެކިއުންތައް ކަމަށް މާލެ ސިޓީ ކައުންސިލުން ބުނެއެވެ.
