ރަހީނުކޮށް މަރާލާފައި އޮއްވާ ފެނުނު އުމުރުން 13 އަހަރުގެ ފިރިހެއް ކުއްޖާގެ ޕޯސްޓްމޯޓަމް ހެދުމަށް ފަހު ރާއްޖެ ގެނެސްފިއެވެ.
ޕޯސްޓްމޯޓަމް ހަދަން ކުއްޖާގެ ހަށިގަނޑު އިންޑިއާގެ ޓްރިވެންޑްރަމަށް ފޮނުވީ މިމަހުގެ ފަސް ވަނަ ދުވަހުއެވެ. ފުލުހުންގެ ބުނިގޮތުގައި ކުއްޖާގެ ހަަށިގަނޑު މާލެ ގެނެސްފައި ވަނީ މިއަދުގެ ވަގުތެއްގައެވެ.
ކުއްޖާ މަރުވި ސަބަބު ދެނެގަތުމަށް ޕޯސްޓްމޯޓަމް ހަދާފައިވަނީ އެ ކުއްޖާގެ އާއިލާގެ ރުހުމާއެކުގައެވެ. އެ ކުއްޖާ މަރާލާފައި އޮއްވަ ފެނުނީ މިދިޔަ މަހުގެ 22 ވަނަ ދުވަހުގެ ރޭ ދަންވަރު ހުޅުމާލޭ ދެވަނަ ފިޔަވަހީ މޫދުގައެވެ. މި މައްސަލައިގަ 17 އަހަރުގެ ކުޑަކުއްޖަކާއި 27 އަހަރުގެ ދިވެހި ފިރިހެނަކުވަނީ ހައްޔަރު ކޮށްފައިވެއެވެ.
