ޔޫރަޕުގެ އެންމެ ޝަރަފުވެރި ފުޓުބޯޅަ މުބާރާތް ކަމުގައިވާ ޔޫއެފާ ޔޫރޯގެ އެންމެ މޮޅު ކުޅުންތެރިއަކަށް އިޓަލީގެ ޒުވާން ކީޕަރު ޖިއާންލުއިޖީ ޑޮނަރުންމާ ހޮވިއްޖެއެވެ.
އުމުރުން 22 އަހަރުގެ ޑޮނަރުންމާ ވަނީ މި މުބާރަތުގައި މޮޅު ކުޅުމެއް ދައްކާފައެވެ. މި މުބާރާތުގައި އިޓަލީ ކުޅުނު ހުރިހާ މެޗެއްގައި ޑޮނަރުންމާ ވަނީ ފުރަތަމަ 11 ގައި ކުޅެފައެވެ. މި މުބާރާތުގައި އިޓަލީން ކުޅުނު 7 މެޗުގައި ކުޅެ ޑޮނަރުންމާ ކޮޅަށް ވަދެފައިވަނީ އެންމެ 4 ގޯލެވެ. އަދި ގުރޫޕް ސްޓޭޖުގެ އެއްވެސް މެޗެއްގައި ޑޮނަރުންމާ ކޮޅަށް އެއްވެސް ގޯލެއް ވަދެފައެއް ނުވެއެވެ.
މީގެއިތުރުން އިޓަލީން މުބާރާތުގެ ސެމީ ފައިނަލާއި ފައިނަލުގައި ޕެނަލްޓީ ޖަހަން ޖެހުނުއިރު، ޕެނަލްޓީ ޝޫޓް އައުޓުގައިވެސް ޑޮނަރުންމާ ވަނީ ގިނަ ސޭވްތަކެއް ކޮށްފައެވެ. ފައިނަލް މެޗުގައި އޭނާ ވަނީ ދެ ޕެނަލްޓީ މަތަކޮށްފައެވެ.
ދޮންނަ ރުމާ ސާބަހޭ