ކުރީގެ ރައީސް އަދި އިދިކޮޅު ސިޔާސީ ލީޑަރު ރައީސް އަބްދުﷲ ޔާމީން މިއަދު ފުލުހަށް ހާޒިރު ކުރަން ނިންމައިފިއެވެ.
ރައީސް ޔާމީންގެ ގާނޫނީ ވަކީލުންގެ ތެރޭގައި ހިމެނޭ ކުރީގެ ނައިބު ރައީސް ޑރ.މުހައްމަދު ޖަމީލް އަހްމަދު ދެންމެ ކުރެއްވި ޓްވީޓެއްގައި ވިދާޅުވީ މިއަދު 14:00 އަށް ޔާމީން ފުލުހަށް ހާޒިރުވާން ޖެހޭ ކަމަށެވެ.
ރައީސް ޔާމީން މިއަދު ހާޒިރު ކުރަނީ ބަޔާން ނަގައި ސޮއިކޮށްފައިވާ މައްސަލައެއްގައެވެ. އެހެން ނަމަވެސް އެއީ ސީދާ ކޮން މައްސަލައެއް ކަމެއް ނޭނގެއެވެ.
މިއަދު 2:00 އަށް ރައީސް ޔާމީން ފުލުހަށް ހާޟިރުކުރަން ހަމަޖެހިފައިވޭ. ބަޔާން ނަގައި ސޮއިކޮށްފައިވާ އެއްކަމެއްގައި އަނެއްކާވެސް މިހާޟިރުކުރަނީ. ފުލުހުންގެ ޢަމަލުތަކުން ރައީސް ޔާމީންގެ ޤާނޫނީ ޙައްޤުތަކަށް ގެއްލުންވޭ އަދި ތަޙްޤީޤްގެ އިންޞާފުވެރިކަމަށް ހުރަސްއެޅޭ. pic.twitter.com/ADJpXPHt37
— Mohamed Jameel Ahmed (@MJameelAhmed) July 12, 2021
ޖަމީލް އިތުރަށް ވިދާޅުވީ ފުލުހުންގެ އަމަލުތަކުން ރައީސް ޔާމީންގެ ގާނޫނީ ހައްގުތަކަށް ގެއްލުންވާ ކަމަށެވެ. އަދި މި ކަމުގެ ސަބަބުން ތަހުގީގުގެ އިންސާފުވެރި ކަމަށް ހުރަސް އެޅޭ ކަމުގައެވެ.
