އެޗްޑީސީގެ ޗީފް ޑިވެލޮޕްމަންޓް އޮފިސަރު (ސީއެފްއޯ) އަބްދުﷲ ފާއިދާއި ޗީފް ބިޒްނަސް އޮފިސަރު އަދި މީޑިއާ ޑިޕާޓްމެންޓްގެ ހެޑް އަހްމަދު ޔާމީން ސަސްޕެންޝަންގައި ބޭތިއްބުމަށްފަހު މަގާމުން ވަކިކޮށްފި އެވެ.
އޭސީސީއާއި ފުލުހުންގެ އިދާރާ އިން ކުރިއަށް ގެންދާ ގެދޮރުވެރިޔާ އަދި ބިންވެރިޔާ ސްކީމާ ގުޅޭ ޖިނާއީ ތަހުގީގާ ގުޅިގެން ފާއިދާއި ޔާމީން ހިމެނޭހެން އެޗްޑީސީގެ 15 ވަރަކަށް މުވައްޒަފުން މިދިޔަ ޑިސެމްބަރު 15ގައި އެންމެ ފުރަތަމަ މަގާމުން ވަކިކުރި އެވެ. ނަމަވެސް ފަހުން އެ ހުރިހާ މުވައްޒަފުންނަށް ވަޒީފާ ދިނުމަށްފަހު ފާއިދާއި ޔާމީން މަގާމުން ވަކިކުރުމާ ހަމައަށް ތިބީ ސަސްޕެންޑްކޮށްފަ އެވެ.
ފާއިދާއި ޔާމީން މަގާމުން ވަކިކުރި ނަމަވެސް އެޗްޑީސީ އިން އަދި މިމައްސަލައިގައި ވާހަކައެއް ނުދައްކަ އެވެ.
