ދައުލަތުގެ ދަރަންޏާބެހޭ ބިލާއި ފިސްކަލް ޒިންމާގެ ބިލު، ރައީސް ޑރ. މުހައްމަދު މުއިއްޒު މިއަދު ތަސްދީގު ކުރައްވައިފިއެވެ.
ސަރުކާރުގެ ފަރާތުން ދައުލަތުގެ ދަރަންޏާބެހޭ ބިލު މަޖިލީހަށް ހުށަހެޅުއްވީ ފުނަދޫ ދާއިރާގެ މެންބަރު މުހައްމަދު މަމްދޫހު (މަންޑޭ) އެވެ. އަދި ސަރުކާރުގެ ފަރާތުން ފިސްކަލް ޒިންމާގެ ބިލް މަޖިލީހަށް ހުށަހެޅުއްވީ ތުލުސްދޫ ދާއިރާގެ ޕީއެންސީ މެންބަރު އިބްރާހީމް ނަސީމެވެ.
ދައުލަތުގެ ދަރަންޏާބެހޭ ބިލު ގާނޫނަކަށް ބަދަލުވާތާ 6 މަސް ދުވަހުގެ ތެރޭގައި ރާއްޖޭގައި ދަރަނި މެނޭޖުކުރުމަށް ހާއްސަ އޮފީހެއް ގާއިމްކުރަން ޖެހޭ ކަމަށާއި ފިނޭންސް މިނިސްޓްރީގެ ދަރަނި މެނޭޖްކުރާ ޑިޕާޓްމަންޓްގެ ހުރިހާ މަސައްކަތެއް އެ އޮފީހުގެ ދަށަށް ބަދަލުވެގެންދާނެ ކަމަށް ބިލުގައި ބުނެފައިވެއެވެ.
ފިނޭންސް މިނިސްޓްރީ އިން ފިސްކަލް ޕޮލިސީ އެކުލަވާލަންޖެހޭއިރު ކޮންމެ ރިޔާސީ ދައުރެއް ފެށޭތާ 6 މަސްދުވަހުގެ ތެރޭގައި އެ ސަރުކާރެއްގެ ފަސް އަހަރުގެ ފިސްކަލް ޒިންމާގެ ޗާޓަރު އެކުލަވާލައި ގެޒެޓުގައި ޝާއިއުކުރަންވާނެ ކަމަށް ބިލުގައި ބުނެފައިވެއެވެ.
