މިއަދު ވެލާނާ އިންޓަނޭޝަނަލް އެއާޕޯޓަށް ފުރަންދިޔަ ފަތުރު ވެރިއެއްގެ ދަބަހުން ވަޒަނަތަކެއް ފެނިފައިވާ ކަމަށް ފުލުހުން ބުނެފިއެވެ.
ފުލުހުން ބުނެފައިވާ ގޮތުގައި އެ މައްސަލަ މިއަދު ހެނދުނު 09:52 ހާއިރު ފުލުހަށް ހުށައެޅިފައިވާ ކަމަށެވެ. އަދި މި މައްސަލައާއި ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
”ބޮންތި“ އަށް މައުލޫމާތު ލިބިފައިވާގޮތުގައި އެ ފަތުރުވެރިއަކީ ނަމީބިއާއަށް ނިސްބަތްވާ 60 އަހަރުގެ ފިރިހެނެކެވެ. އަދި އެ ފަތުރުވެރިއާގެ އަތުން ފެނިފައިވަނީ ފިސްތޯލަ ވަޒަނުގެ 17 ވަޒަން ކަމަށް މައުލޫމާތު ލިބެއެވެ.
ވަޒަންތަކާއި ގުޅޭގޮތުން މައުލޫމާތު ސާފު ކުރުމަށް އެ ފަތުރުވެރިޔާއާއި ފުލުހުން ގެންދަނީ ސުވާލު ކުރަމުންނެވެ.
