ދިވެހިރާއްޖޭގެ ހައިކޯޓު އަންނަ މަހު ރިސެސް އަށް ދާނެކަމަށް އެ ކޯޓުން ހާމަކޮށްފި އެވެ.
އެ ކޯޓުން ބުނީ ހައިކޯޓު ރިސެސް އަށް ދަނީ ޑިސެމްބަރު މަހުގެ 1 ން 31 ވަނަ ދުވ ަހުގެ ނިޔަލަށެވެ. އެހެންކަމުން މި މުއްދަތުގައި ބައެއް ބާވަތްތަކުގެ މައްސަލަތައް ކުރިއަށް ގެންދިއުމަށް އެކޯޓުގެ ފަނޑިޔާރުންގެ އާއްމު މަޖިލީހުން ވަނީ ނިންމަވާފައިކަމަށެވެ.
މިމުއްދަތުގައި ކުރިއަށް ގެންދިއުމަށް ނިންމާފައިވަނީ ޤާނޫނުގައި ވަކި މުއްދަތެއްގެ ތެރޭގައި ނިންމުމަށް ކަނޑައަޅާފައިވާ ބާވަތުގެ މައްސަލަތަކާއި، ޙުކުމްކުރުމަށް ބާއްވާ ޝަރީޢަތުގެ މަޖިލިސްތަކާއި، އަވަސް ޠަބީޢަތު މައްސަލަތަކެވެ.
ކޯޓުތަކުގެ ޤާނޫނުގައިވާ ގޮތުގެމަތިން، ޑިސެމްބަރު އެކަކުން އަންނަ ޖަނަވަރީ މަހުގެ ފުރަތަމަ ދުވަހާ ހަމައަށް ދިވެހިރާއްޖޭގެ ސުޕްރީމް ކޯޓު ވެސް އޮންނާނީ ރިސެސްގައެވެ.
