ހަތަރު ހަލީފާއިންގެ ހަޔާތްޕުޅަށް ނަޒަރު ހިންގާ އެއިން ލިބޭ ފިލާވަޅުތަކުގެ އަލީގައި ދިރިއުޅުން ބިނާކުރުން މިއަދުގެ ހުކުރު ހުތުބާގައި ނަސޭހަތްތެރި ވެއްޖެއެވެ.
މިއަދުގެ ހުކުރު ހުތުބާގެ މައުޟޫއުއަކީ ”އަލްޚުލައިފާއުއްރާޝިދޫންގެ ހަޔާތްޕުޅުން ދަރުސްތަކެއް“ މިއެވެ.
ޚުތުބާގައި ބުނެފައިވަނީ ﷲ ސުބުހާނަހޫ ވަތައާލާ ކޮންމެ ނަބިއްޔަކަށްމެ އެ ބޭކަލަކަށް ތަބައަވާނޭ ސަހާބީން ލެއްވިކަމަށެވެ.
އެކަލާނގެ މި އުންމަތަށް ކައުކުރެއްވި ނަބިއްޔާ މުހައްމަދު ﷺގެ އަސްހާބުންވެފައި ވަނީ އުންމަތް ދެކެފައިވާ ރަންމުތެއްކަމުގައިކަމަށާއި އޭގެތެރެއިންވެސް ދިހަ ބޭކަލަކު ހާއްސަކުރައްވައި އެ ބޭކަލުންނަށް ސުވަރުގޭގެ އުފާވެރިކަމުގެ ޚަބަރު ދެއްވާފައިވާކަމަށް ޚުތުބާގައި ބުނެފައިވެއެވެ.
އަލްޚުލަފާއުއްރާޝިދޫންއަކީ މާތް ނަބިއްޔާގެ ޚަލީފާކަން ކުރެއްވި ހަތަރު އަސްހާބުބޭކަލުންކަމުގައިވާ އަބޫބަކުރު ރަޟިޔަﷲ އަންހާއި އުމަރު ރަޟިޔަﷲ އަންހާއި އުޘްމާން ރަޟިޔަﷲ އަންހާއި އަލީ ރަޟިޔަﷲ އަންހް މި ހަތަރު ބޭކަލުންނެވެ.
މި ބޭކަލުންނަކީ ނަބިއްޔާ މުހައްމަދު ﷺ އެ ބޭކަލުންނަށް ތަބާވުމަށް އިރުޝާދުދެއްވާފައިވާ ބޭކަލުންނެވެ. އެކަލޭގެފާނު ހަދީޘްކުރައްވާފައިވާ ބަސްފުޅެއްގެ މާނާގައިވެއެވެ
