ތަޖިކިސްތާނުން ދިވެހިންނަށް 30 ދުވަހުގެ އޮން އެރައިވަލް ވިސާ ލިބޭ ގޮތަށް އެއްބަސްވުމުގައި ސޮއިކޮށްފި އެވެ.
ރާއްޖެއާ ތަޖިކިސްތާނާ ދެމެދު ވިސާ އެގްޒެމްޝަން އެއްބަސްވުމުގައި ސޮއިކުރެއްވީ، އދ. އަށް ކަނޑައަޅާފައި ހުންނަވާ މަންދޫބު ޑރ. އަލީ ނަސީރު މުހައްމަދާއި ތަޖިކިސްތާނުން އދ. އަށް ކަނޑައަޅާފައިވާ މަންދޫބު ހިކްމަތު ޖޮނިބެކް އިސްމޮއިލް އެވެ.
ދެ ގައުމު ދެމެދު މިހާރު އަމަލުކުރާ ޔުނިލެޓަރަލް ވިސާ-ފްރީ ރެޖީމްގެ ދަށުން މިހާރު ވެސް ތަޖިކިސްތާނަށް 30 ދުވަހުގެ ވިސާ ލިބުނު ނަމަވެސް މިހާރު މި އެއްބަސްވުމުގެ ސަބަބުން ރަސްމީ ސިފައެއްގައި އޮންއެރައިވަލް ވިސާ ލިބިގެންދާނެއެވެ.
މިއީ އެ ގައުމަށް ދަތުރުކުރާ ދިވެހިންނަށް ލިބިގެންދިޔަ ވަރަށް ބޮޑު ފަސޭހައެކެވެ.
