ފުރުގާން މިސްކިތައް ބޮޑެތި ގެއްލުންތަކެއް، މައްސަލަ ބަލަނީ

ފުރުގާން މިސްކިތަށް ގެއްލުންދީފައިވާ މައްސަލައެއް ރިޕޯޓުކޮށްފައިވާތީ އެކަން ބަލަމުން އަންނަ ކަމަށް ފުލުހުން ބުނެފި އެވެ.

މި މައްސަލަ އާ ގުޅިގެން މީޑިއާތަކަށް ފޮނުވި މެސެޖެއްގައި ފުލުހުން ބުނީ ފުރުގާން މިސްކިތަށް ގެއްލުންދީފައިވާ މައްސަލަ އެ އިދާރާއަށް ރިޕޯޓުކޮށްފައި ވަނީ ރޭ ފަތިހުގެ ވަގުތެއްގައި ކަމަށެވެ. އަދި  މައްސަލަ ފުލުހުން ގެންދަނީ ތަހުގީގު ކުރަމުންނެވެ.

މި މައްސަލަ އާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ”އެކްސް“ ގައި ކުރެއްވި ޕޯސްޓެއްގައި ވިދާޅުވީ މިސްކިތަށް ގެއްލުންދިން މައްސަލަ ބަލައި ފިޔަވަޅު އެޅުމަށް ކަމާ ބެހޭ ފަރާތްތަކަށް ހުށަހެޅުމަށް އިސްލާމިކް މިނިސްޓްރީން މިއަދު ނިންމާފައިވާ ކަމަށެވެ. އޭގެއިތުރުން މިސްކިތްތަކަށް ގެއްލުންދިނުން ބަލައިނުގަނެވޭނެ ކަމަށް ވެސް މިނިސްޓަރު ފާހަގަކުރެއްވި އެވެ.