ފުލުހަކަށް ހަމަލާދޭން އުޅުނު މީހާ ތަހުގީގު ނިމެންދެން ބަންދަށް!

މިދިޔަ ހުކުރު ދުވަހު ތޫނު އެއްޗަކުން ފުލުހަކަށް ހަމަލާދޭން އުޅެނިކޮށް ހައްޔަރުކުރި މީހާ، އެ މައްސަލައިގެ ތަހުގީގު ނިމެންދެން ބަންދު ކޮށްފި އެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ މި މައްސަލައިގައި ހައްޔަރުކުރި ފާއިގުގެ ބަންދާމެދު ގޮތެއް ނިންމަން ކޯޓަށް ގެންދިއުމުން، ތަހުގީގު މަރުހަލާ ނިމެންދެން ބަންދު ކުރުމަށް އަމުރު ކޮށްފައިވާ ކަމަށެވެ.

ހުޅުމާލޭ ފޭސް އެކެއްގައި ތޫނު އެއްޗަކުން ފުލުހަަކަށް ހަަމަލާ ދޭން އުޅުނު ކަމުގެ ރިޕޯޓުކޮށްފައިވަނީ ހުކުރު ދުވަހުގެ އިރުއޮއްސި 06:30 ހާއިރު ކަމަށް ފުލުހުން ބުނެފައިވެ އެވެ.

މި މައްސަލައިގައި ހައްޔަރުކޮށްފައި ވަނީ  އދ. ދަނގެތި، ލިލީގެ ހުސައިން ފާއިގް (33އ) އެވެ.