މެދުރާއްޖެތެރެއަށް މޫސުން ގޯސް، ޔެލޯ އެލާޓް ނެރެފި!

މެދުރާއްޖެތެރެއަށް މޫސުން ގޯސްވާނެކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް) އިން ރީނދޫ ސަމާލު ނެރެފި އެވެ.

.މެޓް އޮފީހުން ޔެލޯ އެލާޓް ނެރެފައިވަނީ ށ އަތޮޅުން ފެށިގްނ ބ އަތޮޅާހަމައަށެވެ. މި އެލާޓް ނެރެފައިވަނީ މިއަދު ހެނދުނު 07:15 އިން ފެށިގެން 11:00 އާއި ހަމައަށެވެ.

މި ސަރަހައްދަށް ގުގުރުމާއި އެކު ބޯކޮށް ވާރޭ ވެހޭނެކަމަށާއި އަދި އެ ސަރަހައްދުތަކަށް ވިލާގަނޑުގައި 40 މޭލަށް ވައި ގަދަވެ ކަނޑުތައްވެސް ގަދަވާނެކަމަށް މެޓުން ވަނީ ހާމަކޮށްފައެވެ.

މެޓް އޮފީހުން ބުނީ ކުރިއަށް އޮތް ފަސް ދުވަހު ވެސް މުޅި ރާއްޖެއަށް މޫސުން ގޯސް ވާނެ ކަމަށް ލަފާކުރެވޭކަަމަށެވެ. އަދި އެންމެ ބޮޑަށް ވިއްސާރަ ކުރާނެ ކަމަށް ލަފާކުރެވެެނީ މެދު ރާއްޖެތެރެއަށާއި އުތުރުގެ އަތޮޅުތަކަށް ކަމަށެވެ.