އިމިގްރޭޝަންގެ މުވައްޒަފުން ކަމަށް ހެދިގެން ބިދޭސީން ދިރިއުޅޭ ތަނަކަށް ބަޔަކު ވަދެ ފޯނަކާއި ގިނަ އަދަދެއްގެ ފައިސާތަކެއް ފޭރިގަނެއްޖެއެވެ.
ދާދި ދެންމެއަކު ފުލުހުން ބުނީ އިމިގްރޭޝަން އޮފިސަރުންގެ ނަމުގައި 3 މީހަކު ވެގެން ބަންގްލަދޭޝްގެ މީހެއްގެ އަތުން ފޯނަކާއި 9,000 (ނުވަ ހާސް ރުފިޔާ) ފޭރުނު މައްސަލައެއް އިއްޔެ ރިޕޯޓު ކޮށްފައިވާ ކަމުގައެވެ. އަދި އެ މައްސަލައާއި ގުޅިގެން ގ.ބެރުގެ މުހައްމަދު ނަވީން، 44 ނަމަކަށް ކިޔާ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރު ކޮށްފައިވާ ކަމުގައެވެ.
ފުލުހުން ބުނިގޮތުގައި އެ މައްސަލަ މިހާރު ދަނީ ތަހުގީގު ކުރަމުންނެވެ.
