ޕީއެސްއެމް އިން ކުރިއަށް ގެންދިޔަ ”ދިވެހިން ފަލަސްތީނާއެކު“ ޓެލެތޯނުން ލިބުނު ފައިސާ އދ ގެ ފަލަސްތީނާ ބެހޭ އޭޖެންސީ، ޔުނައިޓެޑް ނޭޝަންސް ރިލީފް އެންޑް ވޯކްސް އެޖެންސީ ފޯ ޕަލަސްޓައިން ރެފިއުޖީސް، އަންރުއާގެ އެކައުންޓަށް ދިވެހި ސަރުކާރުން ޖަމާކޮށްދީފިއެވެ.
ރައީސް ޑރ.މުހައްމަދު މުއިއްޒުގެ އިސްނެންގެވުމަށް ޕީއެސްއެމްއިން މި ޓެލެތޯނު ކުރިއަށް ގެންގޮސްފައިވަނީ ޖޫން މަހުގެ 12 ވަނަ ދުވަހުއެވެ.
މި ޓެލެތޯނުގައި މުޅި ޖުމްލަ 19،309،468.0.2 މިލިޔަން ރުފިޔާ ލިބިފައިވެއެވެ. މިކަމާގުޅޭގޮތުން ހާރިޖީ ވުޒާރާއިން ބުނީ ޓެލެތޯނުން ލިބުނު އެ ހުރިހާ ފައިސާއެއް ޖަމާކޮށްފައިވަނީ މާލީ ވުޒާރާއާއި، މަރުކަޒީ ބޭންކް، އެމްއެމްއޭ މެދުވެރިކޮށް، ސީދާ އަންރުއާގެ އެކައުންޓަށް ކަމުގައެވެ.
މާލޭގެ އެކި ސަރަހައްދުތަކުގައި ޖުމްލަ 13 ފަންޑު ފޮށި ބަހައްޓައިގެން ކުރިއަށް ގެންދިޔަ މި ޓެލެތޯނަށް ބޮޑު ތަރުހީބެއް ލިބިފައެވެ. މި ޓެލެތޯނުގައި އެމްއެންޑީއެފް ފަރާތުން ވަނީ ދެ މިލިޔަން ރުފިޔާ ހަދިޔާ ކޮށްފައެވެ. އަދި ސްޓެލްކޯއިން މި ޓެލެތޯނަށް ބައި ލައްކަ ރުފިޔާ ހަވާލު ކޮށްފައިވާއިރު، އާރުޑީސީގެ އިތުރުން މޯލްޑިވް ގޭހާއި ގިނަ ކުންފުނިތަކުން ވަނީ ފައިސާ ހަވާލުކޮށްފައެވެ.
