އުއްމީދަކީ ރައީސް ޑރ. މުހައްމަދު މުއިއްޒުގެ އިގްތިސާދީ ސިޔާސަތު ސްޓެލްކޯގައި ތަންފީޒުކުރެވި، ފާގަތި މާދަމާއެއް ހޯދުން ކަމުގައި އެކުންފުނީގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ފަހުމީ ވިދާޅުވީ، ސްޓެލްކޯއަކީ ސައްތައިން ސައްތަ ދިވެހީންގެ ކުންފުންޏެއް ކަމަށާއި، ކުންފުނީގެ އިންޖީނަކީ މުރާލި ގާބިލު މުވައްޒަފުން ކަމުގައެވެ. އަދި ސްޓެލްކޯގެ އުމްރާނީ ތަރައްގީއާއި އިގްތިސާދީ ދުޅަހެޔޮކަމަށް ކުރެވެމުންދާ މަސައްކަތުގެ މުގުލުގައި ތިބީ އެކުންފުނީގެ ހީވާގި މުވައްޒަފުން ކަމުގައެވެ.
”ރެއާދުވާލު، އަތްވާ ވާރޭގައި ފޫހިކަމެއްނެތި ގައުމީ ލޯތްބާއި ފޯރިއާއި ޖޯޝުގައި ކުރަމުން ގެންދަނީ ފައިސާއިން މިނައި، އަގުކުރެވޭ ވަރަށްވުރެ ބުރަ ޤައުމީ މަސައްކަތްތެއް. އެހާމެ މަތިވެރި، ޝަރަފުވެރި މަސައްކަތެއް. މުވައްޒަފުން ވަރުގަދަ އަޒުމުގައި ސާބިތުކޮށްދެއްވަމުން އެގެންދަވަނީ ދިވެހީންނަށް ނުކުރެވޭނެ އެއްވެސް މަސައްކަތެއް ނުދެއްކޭނެ ކަން. ކުޅަދާނަމަކާއި ޖޯޝު. އުފާވެރިކަމާއި ހިނިތުންވުން. ފޫހިކަމެއް، ވަރުބަލިކަމެއް ނެތުން. ތާރީހުގައި ޒިކުރާވާނެ ފަންވަރެއް.“ ފަހުމީ ވިދާޅުވިއެވެ.
މުވައްޒަފުންގެ މަސައްކަތްތައް ކޮންމެ ދުވަހަކުވެސް ގާތުން ބައްލަވަމުންގެންދާކަން ފާހަގަކުރައްވައި ފަހުމީ ވަނީ ސްޓެލްކޯގެ މުވައްޒަފުންނަށް އައްސަރިބަހާއި ސާބަސް ރައްދުކުރައްވާފައެވެ.
