ރައްޔިތުންގެ މަޖިލީހުގެ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) އިން، ސެކިއުރިޓީ ނިޒާމާއި އިންޓެލިޖެންސް ނިޒާމް ހަރުދަނާކުރުމަށްޓަކައި ހުށަހަޅާ 45 ހުށަހެޅުމަކާއިއެކު، އިންކުއަރީގެ ރިޕޯޓް ފާސްކޮށްފިއެވެ.
މި ތަހުގީގަކީ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް މެއި މަހުގެ 6 ވަނަ ދުވަހު ގޮވާ އެއްޗެއް ބޭނުންކޮށްގެން ދިން ހަމަލާއާއި ގުޅިގެން 241 ކޮމިޓީން ހިންގި ތަހުގީގެކެވެ.
މިތަހުގީގަށް ފަހު އެކުލަވާލި އިންކުއަރީ ރިޕޯޓް ފާސްކޮށްފައިވަނީ 241 ކޮމިޓީގެ މިރޭގެ ޖަލްސާގައި، 13 މެމްބަރުންގެ އަގުލަބިއްޔަތުންނެވެ.
މި ތަހުގީގު ކުރިޔަށް ގެންދިޔުމަށް 50 މީހަކުވަނީ ކޮމިޓީއަށް ހާޒިރުކޮށްފައެވެ. އަދި 236 ސަފްހާގެ ރިޕޯޓެއްވަނީ ތަހުގީގަށްފަހު އެކުލަވާލާފައެވެ.
