މަޖިލިސް ރައީސް މުހައްމަދު ނަޝީދަށް ދިން ހަމަލައާއި ގުޅިގެން ހައްޔަރުކުރި މީހުން ދޫކޮށްލިކަމަށް މީޑިއާގައި ދައުރުވަމުން ދިޔަ ވާހަކަތައް މޯލްޑިވްސް ޕޮލިސް ސާވިސްއިން ދޮގުކޮށްފިއެވެ.
ފުލުހުން ބުނެފައިވާ ގޮތުގައި މިއަދު ހައްޔަރުން ދޫކޮށްލާފައި ވަނީ ހަރުކަށި ފިކުރާއި ދެކޮޅަށް ފުލުހުން ހިންގި އޮޕަރޭޝަނެއްގައި ހައްޔަރުކުރި ތިން މީހެކެވެ.
މި މައްސަލައާއި ގުޅިގެން ޕްރޮސެކިއުޓާރ ޖެނެރަލްގެ އޮފީހުން ބުނެފައިބަނީ، ރައީސް ނަޝީދަށް އަމާޒުކޮށް ދިން ހަމަލާއަށްފަހު ކުރިޔަށް ގެންދިޔަ އޮޕަރޭޝަންތަކުގެ ތެރެއިން ހައްޔަރު ކުރި މީހުންގެ ތެރެއިން ތިން މީހުން ކްރިމިނަލް ކޯޓުން މިއަދު ދޫކޮށްލި ކަމަށެވެ.
މި މައްސަލަ ހައިކޯޓުގައި އިސްތިއުނާފު ކުރާނެކަމަށް ވެސް ޕީޖީއިން ބުނެފައިވެއެވެ.
