ކުރީގެ ނާއިބު ރައީސް ފައިޞަލް ނަސީމް އެމްޑީޕީއާ ގުޅިވަޑައިގެންފިއެވެ.
އެމްޑީޕީއިން އެކްސްގައި ކުރި ޕޯސްޓެއްގައި ވަނީ ފައިޞަލް އެ ޕާޓީއާ ގުޅިވަޑައިގެންނެވިކަން ކަށަވަރުކޮށްދީފައެވެ.
ފައިޞަލް އެމްޑީޕީއާ ގުޅިވަޑައިގަތީ އެމްޑީޕީ އޮފީހުގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ފައިޞަލްގެ މެންބަރޝިޕް ފޯމާ ހަވާލުވެވަޑައިގެންނެވީ ކުރީގެ ރައީސް އިބްރާހިމް މުޙައްމަދު ޞާލިޙެވެ.
17 ނޮވެންބަރު 2018 ގައި ރައީސުލްޖުމްހޫރިއްޔާގެ ނައިބު ކަމުގެ ހުވާ ކުރެއްވި ފައިޞަލް ނަސީމް މީގެކުރިން ހުންނެވީ ޖުމްހޫރީ ޕާޓީ (ޖޭޕީ)ގައެވެ.
އޭނާ ޖޭޕީއިން ވަކިވެވަޑައިގެންނެވީ ފާއިތުވި ޖަނަވަރީ މަހުގެ 21 ވަނަ ދުވަހުއެވެ.
