ހދ. ކުޅުދުއްފުށި އެއާޕޯޓުގެ ޓާމިނަލް ބޮޑުކޮށް އަލުން ތަރައްގީކުރުމަށް ޝައުގުވެރިވާ ކުންފުނިތަކުން އެކްސްޕްރެޝަން އޮފް އިންޓަރެސްޓް(އީއޯއައި) ހުށަހެޅުމުގެ ފުރުސަތު ހުޅުވާލައިފިއެވެ.
ފަސިންޖަރުންނަށް ބޭނުންވާ ވަސީލަތްތައް އިތުރުކުރުމާއި، ސަލާމަތާއި ރެގިއުލޭޓަރީ މިންގަނޑުތަކާ އެއްގޮތަށް އަމަލުކުރުންވެސް ހިމެނެއެވެ.
އަދި ކަނޑައެޅިފައިވާ މުއްދަތުގެ ތެރޭގައި ޓާމްސް އޮފް ރެފަރެންސްގައިވާ ގޮތުގެ މަތިން ޕްރޮޖެކްޓް ކުރިއަށް ގެންދިއުމުގެ ޒިންމާ ކާމިޔާބު ބިޑް ކުރާ ފަރާތުގެ މަސްއޫލިއްޔަތަކަށްވާނެ ކަމަށް އެ އިއުލާނުގައި ބުނެފައިވެއެވެ.
އެކްސްޕްރެޝަން އޮފް އިންޓްރެސްޓް (އީއޯއައި) އީމެއިލް މެދުވެރިކޮށް މި މަހުގެ ނުވަ ވަނަ ދުވަހުގެ ކުރިން ހުށަހަޅަން އާރްއޭސީއެލުން ވަނީ އެދިފައެވެ.
ކުޅުދުއްފުށި އެއާޕޯޓްގެ ޕަސެންޖާ ޓާމިނަލްގެ ހިދުމަތްތައް ފުޅާކުރުމުގެ މަސައްކަތްތައް ފެށުމަކީ ރައީސުލްޖުމުހޫރިއްޔާ ޑރ. މުހައްމަދު މުއިއްޒުގެ ހަފްތާ14 ގެ މަގުޗާޓުގައި ހިމެނިފައިވާ މަސައްކަތެކެވެ.
