މާލެ ސިޓީގެ އިތުރު 2 ކައުންސިލަރަކު ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ސޮއިކުރައްވައިފިއެވެ.
ޕީއެންސީއިން މާލޭގެ މޭޔަރުކަމަށް ވާދަކުރައްވާ އާޒިމާ ޝަކޫރުގެ މެނިފެސްޓޯ އިފްތިތާހު ކުރުމަށް ބޭއްވި ކެމްޕެއިން ޖަލްސާގައި އެޕާޓީއަށް ސޮއިކުރައްވާފައިވަނީ، އެމްޑީޕީގެ މެންބަރު ހެންވޭރު އުތުރު ދާއިރާގެ ކައުންސިލަރު އާއިޝަތު ނިޒްލީއާއި އަދި މިނިވަން މެންބަރެއްގެ ގޮތުގައި ހުންނެވި ގަލޮޅު މެދު ދާއިރާގެ ކައުންސިލަރު މަރްޔަމް ރީހާން ނާޡިމްއެވެ.
’ދިވެހީންގެ ރާއްޖެ‘ ޖަގަހައިގައި ކުރިޔަށްދިޔަ ޖަލްސާގައި 2 ކައުންސިލަރުން ޕާޓީއާ ގުޅިވަޑައިގެން ސޮއިކުރައްވާފައިވާ ފޯމުތަކާއި ހަވާލުވެވަޑައިގަތީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.
