ޔޯގާ އަކީ ޝިރުކެއް ކަމުގައި މުޅި އުންމަތް އިއްތިފާގު ވެފައިވާ އިރުވެސް ވަކި ދެމީހަކު އެއީ ހުއްދަކަމެއް ކަމަށް ބުނުމަކީ ހައިރާން ވާންޖެހޭ ކަމެއް ނޫންކަމަށް ސަލަފްގެ އޮޕަރޭޝަންސް މެނޭޖަރު އަލީ ރަމީޒް ބުނެފިއެވެ.
އަލީ ރަމީޒް ކުރި ޓުވީޓެއްގައި ބުނެފައިވަނީ މުސްލިމް އަންހެނާގެ އައުރަ ނިވާކުރުން އެއީ ލާޒިމް ކަމެއް ނޫންކަމަށް ބުނި މީހަކު ޔޯގާ ހުއްދަކުރުމަކީ ހައިރާން ވާންޖެހޭ ކަމައް ނޫން ކަމަށެވެ. އަދި މިގޮތުން މީހަކު ނިކުމެ ޔޯގާ އަކީ ކަސްރަތު ކޮށްލުމޭ ބުނުމަކީ ވެސް ހައިރާން ވާންޖެހޭ ކަމެއް ނޫންކަމަށް ދޭހަވާ އިބާރާތަކުން އަލީ ރަމީޒް ވަނީ ސިފަކޮށްފިއެވެ. އޭނާގެ ރައްދު އަމާޒު ކުރީ ކުރީގެ ރައީސް މައުމޫން އަބްދުލްގައްޔޫމަށެވެ.
Mulhi ummaiy iththifaaqu vefaivaa, Muslim Anhenaa aura nivaa kurun eyee laazimu kameh nooney buni meehaku yoga eyee haraam echcheh nooney eyee kasrathu kollumekey bunumakee hama eggothakah ves hairaan vaan jehey kameh noon.
— Ali Rameez (@aliramyz) July 27, 2022
ޔޯގާ އަކީ ޝިރުކެއް ކަމުގައި އިލްމުވެރިން ވިދާޅުވަމުން ވެސް ދާދި ފަހުން މަޖިލިސް ރައީސް މުހައްމަދު ނަޝީދު ވަނީ ޔޯގާ އަކީ ކަސްރަތެއް ކަމަށާއި ދީނީ އިލްމުވެރިން ނުކުމެ ޔޯގާ އަކީ ހަރާމް ކަމެއް ކަމުގައި ފަތުވާ ނެރުނަސް ބަލައިގަންނަން ވަރަށް ދަތިކަމަށް ވިދާޅުވެފައެވެ.
ޔޯގާގެ މައްސަލަ އިގައި 104 ދީނީ އިލްމުވެރިން އެއީ ހަރާން ކަމެއްކަމަށާއި، ޔޯގާ އަކީ ބުދުދީނުގެ މީހުންގެ އަޅުކަމެއް ކަމުގައި ބުނެފައިވަނިކޮށް، އިލްމުވެރިންނަށް ގޮންޖެހުމަށް ފަހު ރައީސް މައުމޫން ވެސް ވަނީ ޔޯގާ އަކީ ހުއްދަކަމެއް ކަމަށް ވިދާޅުވެ އިލްމުވެރިންނަށް މަލާމާތް ކުރައްވާފައެވެ.
ޔޯގާގެ މައްސަލަ މިވަރަށް ހޫނުވެ ފައިވާ މިދަޑިވަޅުގައި ރާއްޖޭގެ އިސްލާމިކް މިނިސްޓްރީ އޮތީ ނިދާފައެވެ.
ބަރާބަރު ރައްދެއް