އާބަންކޯއިން ދެމުން ގެންދާ ހުޅުމާލޭގެ ހުރިހާ މުނިސިޕަލް ހިދުމަތެއް މާލެ ސިޓީ ކައުންސިލުގެ ބެލުމުގެ ދަށަށް ބަދަލުކުރުމަށް ރައީސް ޑރ.މުހައްމަދު މުއިއްޒު ނިންމަވައިފިއެވެ.
އެގޮތުން އެކަމަށް ޓަކައި ކުރަންޖެހޭ އިދާރީ ހުރިހާ މަސައްކަތްތައް ކުރަން ވަނީ ފަށާފައެވެ.
2023 ރިޔާސީ އިންތިހާބުގެ ތެރޭގައި ރައީސް ޑރ.މުއިއްޒު ވަނީ އާބަންކޯއިން ދެމުންގެންދާ ހިދުމަތްތައް މާލެ ސިޓީ ކައުންސިލުގެ ބެލުމުގެ ދަަށަށް ބަދަލުކުރާނެ ކަމަށް ވައުދުވެވަޑައިގެންފައެވެ. އެގޮތުން މި ބަދަލު މިހާރު ގެނެވުނު އިރު، އާބަންކޯއިން މި ހިދުމަތްތަކާ ހަވާލުވެފައިވަނީ 2015ވަނަ އަހަރުއެވެ.
އާބަންކޯއިން މާލެ ސިޓީ ކައުންސިލަށް ހިދުމަތްތައް ބަދަލުކޮށް ނިމުމުން މާލެ، ހުޅުމާލެ އަދި ވިލިމާލޭގެ މުނިސިޕަލް ހުރިހާ ހިދުމަތްތައް ދެމުން ގެންދާނީ މާލެ ސިޓީ ކައުންސިލުންކަމަށް މައުލޫމާތު ލިބެއެވެ.
