ކޯވިޑް19 ގެ ހާލަތާއި ގުޅިގެން ކޫއްޑޫއިން މަސްކިރުމާއި، އައިސް ދޫކުރުން ހުއްޓާލައިފިއެވެ.
ބޮންތިއަށް މައުލޫމާތު ލިބިފައިވާ ގޮތުގައި ކޫއްޑޫގެ އޮޕަރޭޝަންތައް ހުއްޓުމަކަށް އައިސްފައިވަނީ ކޫއްޑޫ ޖެޓީ އާއި، ކޯލްޑް ސްޓޯރެޖް އަދި ކަލެކްޓަރ ބޯޓުތަކުގައި މަސައްކަތްކުރާ ގިނަ އަދަދެއްގެ މުވައްޒަފުން ކޮވިޑަށް ޕޮޒިޓިވްވެ އެކަހެރިކުރަން ޖެހުމުންނެވެ.
ކޫއްޑޫއިން މައުލޫމާތު ދޭ ގޮތުގައި މަސްކިރުވުމުގެ މަސައްކަތް ދެން ކުރިޔަށް ދާނީ، ކޫއްޑޫ ބޭރު ބަނދަރުންނާއި، ކަލެކްޓަރ ބޯޓު ތަކުންނެވެ.
ކޫއްޑޫއިން މަސްކިރުވުމާއި އައިސް ދޫކުރުމުގެ ހިދުމަތް މެދުކެނޑުމާއި ގުޅިގެން މަސްވެރިންނަށް ގިނަ ދަތިތަކެއް ކުރިމަތިވާނެއެވެ. ނުއަގުގައި ބާނާ މަސްކިރުވަން ޖެހުމުގެ ސަބަބުން މުޅި ރާއްޖޭގެ މަސްވެރިންނަށް މިކަމުގެ ގެއްލުން ލިބޭނެ ކަމަށް މަސްވެރިން ބުނެއެވެ.
