ރައީސް އިބްރާހީމް މުހައްމަދު ސޯލިހުގެ ސިއްރު ސިޓީފުޅަކުން ދިވެހިރާއްޖޭގެ ދެކުނުގެ ކަނޑުން ބޮޑުބައެއް ވިއްކާލުމުން އެމަނިކުފާނަކީ ރާއްޖޭގެ އެންމެ ބޮޑު ”ޗޯރު“ ނުވަތަ ސިއްރުކަންތައް ކުރާ އެންމެ ބޮޑު މޭސްތިރިއާ ކަމުގައި ރައްޔިތުންގެ މަޖިލީހުގެ ގައްދޫ ދާއިރާގެ މެންބަރު އަހުމަދު ޒާހިރު ވިދާޅުވެއްޖެއެވެ.
މިއަދުގެ މަޖިލިސް ޖަލްސާގައި ވާހަކަ ދައްކަވަމުން މެންބަރު ޒާހިރު ވިދާޅުވީ ރައްޔިތުންގެ ވެންޓިލޭތަރުތަކުން ވައްކަން ކުރުމަށްފަހު ރައްޔިތުންގެ ކަނޑު ވިއްކާލުމުން ރައީސް ސޯލިހަށް މީހުން ފާޑުކިޔާނެ ކަމުގައެވެ.
”މިހުރިހާ ކަމެއް ކޮށްފަ ދިވެހި ރައްޔިތުން ދެން ޗޯރު ނޫން އެއްޗެއް ނުކިޔާނެ.“ ޒާހިރު ވިދާޅުވިއެވެ.
ޒާހިރު ވިދާޅުވިގޮތުގައި އެއީ ރައީސް ސޯލިހު އަމިއްލަފުޅަށް ހޯއްދެވި ލަގަބެކެވެ. އަދި އެމަނިކުފާނު އެކަމުން ނެއްޓެން ކިތަންމެ ވަރަކަށް މަސައްކަތްޕުޅު ކުރެއްވިޔަސް ދެން އެކަމެއް ނުވާނެކަން ޒާހިރު ފާހަގަކުރެއްވިއެވެ.
