ދާދިފަހުން އަމްރު ވަނީ ވެރިކަން ކުރާ މައި ޕާޓީ އެމްޑީޕީ އިން ވަކިވެވަޑައިގެންފައެވެ. އަމްރު ކުރިން ހުންނެވި އެސްޓީއޯގެ މެނޭޖިންގް ޑިރެކްޓަރު ކަމުން ވަކި ކޮށްފައިވަނީ އެމްޑީޕިގެ އެތެރޭގެ އިންތިޚާބުގައި ރައީސް ނަޝީދަށް ކެމްޕޭނު ކުރައްވައި، އޭރުގެ އެމްޑީޕީގެ ފިކުރެއްގެ ދިރުން ފެކްޝަނުން ފަރާތުން ޖުމްހޫރީ ޕާޓީއާއި ބައްދަލު ކުރި ބައްދަލު ކުރުން ތަކަކަށް ފަހުގައެވެ.
މަޤާމުން އަދި އެމްޑީޕީއިން ވަކިވެވަޑައިގެންނެވުމަށްފަހު އަމްރު ދަނީ ސަރުކާރުގެ ވައްކަމާއި ކޮރަޕްޝަނާއި މީގެއިތުރުން މި ސަރުކާރުން ކުރަމުންދާ ނުރަނގަޅު ކަންކަމަށް ފާޑުވިދާޅުވަމުންނެވެ.
ވައްކަމުން ސަރުކާރު ކުންފުނިތައް ހުސްކޮއްލާ، ބަދަލުދީ ބައިތުލް މާލް ހުސްކޮއްލާ، ބަހާ ރަށްތައް ހުސްކޮއްލުމަކީ އިންތިޚާބުވާން ކިތައްމެ ބޭނުމަސް ކުރަން ހެޔޮވާވަރު ކަމެއްނޫން.
ވެރިކަމުގަ ގަދަބާރުން ހުރުމަށް ރައްޔިތުން ހާލުގަ ނުޖައްސާ. https://t.co/0Hx2qbPu1r— Amr 🎈 (@HusenAmr) May 18, 2023
އަމްރު ކުރެއްވި ޓްވީޓެއްގައި ވިދާޅުވެފައިވަނީ ވައްކަމުން ސަރުކާރު ކުންފުނިތައް ހުސްކޮށްލާ، ބަދަލުދީ ބައިތުލް މާލު ހުސްކޮށްލާ، ރަށްތައް ބަހައި ހުސްކޮށްލުމަކީ އިންތިޚާބުވާން ކިތަންމެ ބޭނުމަސް ކުރަން ހެޔޮވާވަރު ކަމެއްނޫން ކަމަށެވެ.
މިއާއިއެކު އޭނާ ވަނީ ވެރިކަމުގަ ގަދަބާރުން ހުރުމަށް ރައްޔިތުން ޙާލުގައި ނުޖެއްސުމަށްވެސް ގޮވާލައްވާފައެވެ.
”ވެރިކަމުގަ ގަދަބާރުން ހުރުމަށް ރައްޔިތުން ހާލުގަ ނުޖައްސާ“ އަމްރު ވިދާޅުވިއެވެ.
އަމްރު މިފަދައިން ޓްވީޓް ކުރަށްވާފައިވާއިރު އިއްޔެ އިކޮނޮމިކް މިނިސްޓްރީން ގެޒެޓުކޮށްފައިވާ ”އިޤްތިޞާދީ ބޭނުންތަކަށް ތަރައްޤީކުރުމަށް ފަޅުރަށްރަށް ކުއްޔަށް ދިނުމާބެހޭ ޤަވާއިދު“ ގައިވަނީ ފަޅު ރަށެއްގައި އިޤްތިޞާދީ މަސައްކަތެއް ކުރުމަށް އެ ރަށަކީ އިންޑަސްޓްރިއަލް ރަށެއްގެ ގޮތުގައި ކަނޑައަޅާނީ އިކޮނޮމިކް ކައުންސިލުގެ ލަފާގެ މަތިން ރައީސުލްޖުމްހޫރިއްޔާ ކަމަށެވެ.
މިއާއިއެކު އެތައްބައެއްގެ ފާޑުކިޔުން ރައީސް އިބްރާހިމާއި އޭނާގެ ސަރުކާރަށް ދަނީ އަމާޒުވަމުންނެވެ.
ގަދަބާރުން ވެރިކަމަށް އަންނަންއުޅިނީމަ ވާގޮތްވެސް ތިޔައީ ދޯ އަމަރޫ!!!